काठमाडौं । अब आइतबारदेखि शुक्रबारसम्म शेयर कारोबार हुने भएको छ । सरकारले आइतबारको सार्वजनिक विदा खारेज गरेसँगै सातामा ६ दिन नै सेयर कारोबार संचालन हुने भएको नेपाल स्टक एक्चेन्जले जनाएको छ ।
नेप्सेका अनुसार, अब साताको ६ दिन नै सेयर कारोबार संचालन हुनेछ । साथै शुक्रबार भने २ घण्टा मात्रै कारोबार हुने भएको छ ।
नेप्सेको निर्णय अनुसार अब आइतबारदेखि बिहिबारसम्म बिहान ११ बजेदेखि ३ बजेसम्म र शुक्रबार भने बिहान ११ बजेदेखि दिउँसो १ बजेसम्म शेयर कारोबार खुल्ला हुनेछ ।
यसअघि शनिबार र आइतबार सार्वजनिक विदा गर्ने सरकारको निर्णयपछि नेप्सेले शुक्रबार सेयर कारोबार खुला गरेर आइतबार बन्द गर्ने निर्णय गरेको थियो ।
नेपाल स्टक एक्सचेञ्ज लिमिटेड (नेप्से) को आज बसेको सञ्चालक समितिको बैठकले सार्वजनिक बिदाका दिन बाहेक अन्य दिनमा कारोबार खुला गर्ने निर्णय गरेको हो ।
Discussion about this post