२५ असार २०८२ दमक ।
स्वास्थ्य, शिक्षा र सामाजिक सेवामा क्रियाशील रोटरी क्लब अफ दमकको १४ औं पदस्थापना कार्यक्रम २३ गते सोमबार सम्पन्न भएको छ ।
केशव कुमार अग्रवालको अध्यक्षतामा समिती गठन भैई सम्पन्न भएको वर्ष २०२५/०२६ का लागि सपथ लिँदै अध्यक्ष अग्रवालले क्लबको भावी योजना सार्वजनिक गरेका छन ।
पदस्थापना कार्यक्रममा डिस्ट्रीक गभर्नर विनोद कोइरालाले अध्यक्ष अग्रवाललाई पद तथा गोपनियताको सपथ गराए। प्रमुख अतिथि कोइरालाले अग्रवाललाई बधाई दिँदै सफल कार्यकालको शुभकामना दिए।
अध्यक्ष अग्रवालले आफ्नो हजुरबुबाको स्मृतिमा हरेक वर्ष सामाजिक कार्यका लागि २५ हजार रुपैयाँ योगदान दिने घोषणा गरे।
कार्यक्रममा दमक नगरपालिकाका प्रमुख रामकुमार थापा, उपप्रमुख रेगिना भट्टराई, विभिन्न वडाध्यक्ष तथा रोटरी क्लबका पदाधिकारीहरुको उपस्थिति थियो।
सोही अवसरमा पत्रकार अनिलदेव राईलाई “रोटरी पत्रकारिता पुरस्कार” प्रदान गरियो। निवर्तमान अध्यक्ष विक्रमकुमार साहले आफ्नो कार्यकालका उपलब्धिहरू प्रस्तुत गर्दै सबैलाई धन्यवाद दिए।
कार्यक्रममा नोमिनेट प्रेसिडेन्ट सागर श्रेष्ठले स्वागत मन्तव्य राखे भने पूर्व अध्यक्षहरू नविन श्रेष्ठ, सन्दिप चापागाईं, भरत चम्लागाईं, गंगाप्रसाद काफ्ले, पदमराज बराल लगायतको विशेष भूमिका रहेको थियो।
Discussion about this post