- पूर्वपश्चिम राजमार्गअन्तर्गत निर्माणाधीन ‘एसियन हाईवे’को ‘डाइभर्सन’ कार्य तत्काल सम्पन गर्न निर्देशन दिइएको छ। मनसुन सुरु हुनुअघि नै ‘डाइभर्सन’को काम गर्न निर्देशन दिइएको हो।
एशियाली विकास बैंक (एडीबी) को सहयोगमा झापा, मोरङ, सुनसरी हुँदै निर्माण भइरहेको बहुप्रतीक्षित सडक आयोजनाअन्तर्गत काकडभिट्टा लौकही खण्डको निर्माण कार्य सुस्त देखिएपछि आयोजनाले निर्माण कम्पनीलाई छिटो काम सक्न निर्देशन दिएको छ।
काँकडभिट्टा-लौकही सड़क योजना कार्यालय (पूर्वी खण्ड) दमकका आयोजना प्रमुख इन्जिनियर सुनिलबाबु पन्तका अनुसार मनसुन सुरु भएसँगै निर्माणस्थलमा बनाइएका अस्थायी ‘डाइभर्सन’ बाढीले बगाउने खतरा छ।
अस्थायी ‘डाईभर्सन वाढीको जोखिममा रहेकाले शुक्रबार निर्माण कम्पनीलाई पत्राचारमार्फत आवश्यक निर्देशन दिईएको पन्तले बताए। उनका अनुसार, ‘डाइभर्सन’ बनाइएका स्थानहरूमा खाल्डाखुल्डी छन्।
- ‘बर्खाको समयमा बाढी आए ‘डाइभर्सन’ बग्न सक्छ। जसले गर्दा यातायात पूर्णरूपमा अवरुद्ध हुने र दुर्घटना बढ़ने खतरा हुन्छ।
त्यसैले हामीले मुख्य राजमार्गकै साना पुल र कल्भर्टका काम चाडैं सक्न र स्थायी बाटोबाटै सवारी सञ्चालन गर्न सकिने बनाइदिन भनेका छौं,’ पन्तले भने ।
सडक तथा पुल निर्माण कार्यमा अहिलेसम्मको भौतिक प्रगति क्रमश १९ र २७ प्रतिशत मात्र पुगेको जानकारी दिदै उनले निर्माण कम्पनीको कामप्रति असन्तुष्टि जनाए।
‘पटक-पटक पत्राचार गर्दासमेत कामको गति चाँडो भएको छैन,’ पन्तले भने, ‘अब मौसम प्रतिकूल हुने भएकाले ढिलाइको परिणाम गम्भीर हुन सक्छ।”
१० अर्ब रुपैयाको लगानीमा झापाको काँकडभिट्टादेखि सुनसरीको लौकहीसम्मको सडक खण्ड स्तरोन्नतिको भइरहेको छ।
स्थानीय र सवारी चालकले भने निर्माणमा भइरहेको ढिलाइप्रति असन्तुष्टि जनाउँदै आएका छन् ।
सडकमा अस्थायी ‘डाईभर्सन’ हुँदा दैनिक यात्रा जोखिमपूर्ण बनेको र वर्षा सुरु भएसँगै मार्ग पूर्णरूपमा बन्द हुने चिन्ता सर्वत्र रहेको हो।
योजना कार्यालयले मनसुनको समयमा सडक अबरुद्ध भए तत्काल सुधार गर्नका लागि ‘र्यापिड रेस्पोन्स’ टोली तयारी अवस्थामा राखिने जनाएको छ।
वर्षात्का दिनहरूमा पनि सम्भव भएसम्म निर्माण कार्य निरन्तर अगाडि बढाइने बताउँदै प्रमुख पन्तले निर्माण कम्पनीलाई थप दबाब दिने र निर्माण कार्य अगाडि बढाउने बताउँदै प्रमुख पन्तले निर्माण कम्पनीलाई थप दवाब दिने जानकारी दिएका छन् ।
पूर्व-पश्चिम राजमार्ग पूर्वी नेपाललाई राजधानी काठमाडौंसहित देशका अन्य भागहरूसँग जोड्ने जीवनरेखा हो।
समयमै निर्माण सम्पन्न नभए यसले स्थानीय मात्र नभइ देशव्यापी रुपमा यातायात सञ्चालनमै गम्भीर असर पार्न सक्छ।
कार्यालयले भने ‘डाइभर्सन’को काम सक्ने र स्थायी संरचना तयार पार्ने कुरालाई जोड दिएको बताईएको छ ।
Discussion about this post