बिआरआई ऋण होइन भन्ने कुरा अब दोहोऱ्याउन नपरोस्ः प्रधानमन्त्री ओली ।

२० मङ्ग्सिर २०८१ काठमडौ ।
प्रधानमन्त्री केपी शर्मा ओलीले चीन भ्रमणमा ऋणबारे छलफल नभएको बताएका छन्।

बिहीबार चीन भ्रमणबाट फर्किएर त्रिभुवन अन्तर्राष्ट्रिय विमानस्थलमा पत्रकार सम्मेलन गर्दै प्रधानमन्त्री ओलीले बिआरआई परियोजना ऋण नभएको र बेइजिङमा त्यसबारेको छलफलमा ऋणकोसम्बन्धी कुरा पनि नउठेको बताएका हुन् ।

‘अहिले हामीले जे प्राप्त गरेका छौ त्यो ऋण होइन भनेर धेरैपटक भनिएको छ। अब धेरै दोहोऱ्याउन नपरोस्। ऋण होइन, ऋणसम्बन्धी कुरा पनि चलेको छैन,’ प्रधानमन्त्री ओलीले भने।

उनले बिआरआई अन्तर्गतका हरेक परियोजनाबारे त्यसको कार्यान्वयन सम्बन्धमा पछि छुट्टै सम्झौता हुने पनि बताए।

‘ऋणको कुरा कहाँ बाट आउँछ। सँधै ऋण ऋण ऋणको सारंगी कहाँबाट बजेको छ। होइन भनेर हामीले पटकपटक भनेका छौं। ऋणसँग सरोकार राख्दैन। अरू कुराहरूको कार्यान्वयनमा छुट्टाछुट्टै सम्झौता हुन्छ,’ उनले भने।