२२ भाद्र २०८१ बेल्डाङ्गी ।
मर्सी च्यारिटी एण्ड वेलफेयर फाउन्डेसनले झापाको दमकस्थित बेल्डाङ्गी शरणार्थी शिविरमा भदौ २०गतेका दिन एक कार्यक्रमको आयोजना गर्दै भुटानी शरणार्थी शिविरमा रहेका बालबालिकालाई न्यानो कपडा स्वेटर वितरण गरेको छ । 
इन्द्र बजगाई र रुथ क्षेत्रीको नेतृत्वमा सन् २०२० मा स्थापना भएको संस्था मर्सी च्यारिटी एण्ड वेलफेयर फाउन्डेसनले भुटानी शरणार्थी शिविर बेलडाँगीस्थित बाल विकास केन्द्रमा रहेको बालबालिकाहरुलाई स्वेटर वितरण गरेको हो ।
शरणार्थी भएकै कारण आय आर्जनको स्रोत नभएका शरणार्थी अभिभावकलाई आफ्ना बालबच्चाको लालन पालनमा ठूलो समस्या छ ।
अमेरिकाको कोलम्बसमा दर्ता भएको मर्सी च्यारिटी एण्ड वेलफेयर फाउन्डेसनले बालबालिकाका यही पीडा बुझेर केही राहत होस् भन्ने उद्देश्यले सहयोग गरेको हो ।
फाउन्डेसनका अध्यक्ष इन्द्र बजगाईले मर्सी च्यारिटी एण्ड वेलफेयर फाउन्डेसन गैर-राजनीतिक एवं गैर- नाफामुखी संस्था भएको र असाहय र विपन्न वर्गका समुदायलाई सहयोग गर्ने उद्देश्यले यसको स्थापना भएको बताए ।
यश अघि पनि धेरैलाई दिल खोलेर सहयोग गरिसकेको बताउँदै अध्यक्ष बजगाइले फाउन्डेसनले शरणार्थीको आवश्यकता हेरेर आगामी दिनमा अझ धेरै सहयोग गर्ने प्रतिबद्धता ब्यक्त गरेका छ्न ।
कपडा वितरण कार्यक्रमका प्रमुख अतिथि एवं मर्सी च्यारिटी एण्ड वेलफेयर फाउन्डेसन- नेपालका अध्यक्ष विजय बजगाईले सहयोगका लागि मर्सी च्यारिटी एण्ड वेलफेयर फाउन्डेसनप्रति आभार व्यक्त गरेका छ्न ।
यस्तै कार्यक्रमका सभाध्यक्ष एवं विद्यालय सञ्चालक समितिका अध्यक्ष तिलक राईले शरणार्थी बालबालिकाको आवश्यकतालाई बुझेर सहयोग गरेकोमा खुशी ब्यक्त गरे ।
यश अघि विद्यार्थीहरुलाई सहयोग गर्ने विभिन्न संस्था र व्यक्तिहरुलाई सम्झदै अध्यक्ष राईले यस्तो खाले सहयोगले शरणार्थी अभिभावकलाई सकारात्मक ऊर्जा प्रदान गर्ने बताउनु भएको छ ।
सन्चालक राईले मर्सी च्यारिटी एण्ड वेलफेयर फाउन्डेसनसँग आगामी दिनमा थप सहयोग र सहकार्य हुने आशा विश्वास व्यक्त गरेका छन ।
ग्लोबल भुट्नीज अर्गनाइजेसन (GBO) द्वारा सञ्चालित बाल विकास केन्द्रमा स्थानीय विपन्न समुदाय र शरणार्थी गरी हाल १५३ विद्यार्थी छन् ।
तर GBO बाहेक बाल विकास केन्द्रमा स्थायी दाता नभएको कारण यसको व्यवस्थापनमा समस्या हुँदै आएको छ ।
Discussion about this post