२७ भदौ २०८१सुनसरी ईटहरी ।
कोशी प्रदेशमा बुधबारदेखि अस्थायी लाइसेन्स (सवारी चालक अनुमति पत्र) वितरण सुरु गरिएको छ । अब ‘स्मार्ट लाइसेन्स’ का लागि ३ वर्षसम्म पर्खनुपर्ने अवस्थाको अन्त्य भएको छ ।
इटहरीस्थित यातायात व्यवस्था कार्यालयमा आयोजित कार्यक्रममा कोशी प्रदेशका मुख्यमन्त्री हिक्मतकुमार कार्की र आन्तरिक मामिला तथा कानुनमन्त्री लिलाबल्लभ अधिकारिले लाइसेन्स वितरण गरेर उक्त कार्यको प्रारम्भ गरेका छन ।
गत साउन ३२ गते सातवटै प्रदेशका यातायात व्यवस्था मन्त्रालयका मन्त्रीहरूको संयुक्त बैठकले सवारी चालक अनुमति पत्रको स्थायी कार्ड प्रदेशबाटै छाप्ने र स्थायी कार्ड छाप्ने व्यवस्थापन गर्न लाग्ने समयसम्म क्यूआर कोडसहितको अस्थायी सवारी चालक अनुमतिपत्रको कार्ड छाप्ने निर्णय गरेको थियो ।
त्यही निर्णयअनुसार कोशी प्रदेशबाट अस्थायी कार्ड वितरण सुरुवात गरिएको हो । उक्त अस्थायी कार्डको अवधि १ वर्षको हुने जनाइएको छ ।
प्रदेशमा रहेका लाइसेन्स जारी गर्ने यातायात व्यवस्था सेवा कार्यालयहरू ७ वटै कार्यालयबाट अस्थायी लाइसेन्स वितरण सुरु गरिएको कार्यालयले जनाएको छ ।
Discussion about this post