२९ भदौ२०८१ दमक ।
दमक नगर इसाई समाजको आयोजना रहेको प्रदेश स्तरीय अन्तर इसाई समाज फुटसल प्रतियोगिता शुक्रबार दमकमा भब्यताका साथ सम्पन्न भएको छ । शुक्रबार २८गते भएको उक्त प्रतियोगितामा दोस्रो उपाधि मिक्लाजुङ् इसाई समाज, पाँचथरले प्राप्त गरेको छ ।
दमक नगर इसाई समाजको खेलकुद उपसमितिका खेल विभाग प्रमुख शिखर राईको संयोजकत्वमा दमक नगर ईशाईसमाजका अध्यक्ष हेमन्त सुब्बाको अध्यक्षतामा भएको कार्यक्रम दमक नगरपालिकाका मेयर राम कुमार थापाको प्रमुख आतिथ्यतामा खेलप्रतियोगिता शुरु भएको थियो ।
दमक वडा नं. ५ का अध्यक्ष इन्द्र बहादुर गुरुङ, समेतको आतिथ्यतारहेको उक्त कार्यक्रममा अन्य अतिथिहरूमा समाजका सल्लाहकार राजकुमार राई, निवर्तमान अध्यक्ष पास्टर आकाश थुलुङ, जीवन चक्र समाज नेपालका अध्यक्ष गणेश गौतम, दमक उत्तरी ईशाई समाज(BCf)का अध्यक्ष चन्द्र कुमार राई १ नम्बर प्रदेशमा रहेका विभिन्न समाज इलाका इसाई समाजका अध्यक्ष तथा समाजका प्रतिनिधिहरू, सञ्चारकर्मीहरू, समाजसेवी, साथै खेलकुदप्रेमीहरुको बक्लो उपस्थिति रहेको थियो ।
खेलको मुख्य उद्देश्य मित्रता, सम्बन्ध र सङ्गति मुख्य नारा लिएर गत वर्षबाट शुरु गरिएको उक्त मैत्रीपूर्ण खेल दमक ५ स्थित गोर्खाली टोलमा रहेको बिस्ट फुटसल खेलमैदानमा सम्पन्न भएको थियो ।
अन्य प्रतिस्पर्धी समूहलाई पछि पार्दै मिक्लाजुङ इसाई समाज, पाँचथर र धरान इसाई समाजबीच फाइनलमा कडा प्रतिस्पर्धा हँदा दुवै समूहले गोल बाराबरीमा गरे पश्चात पेनाल्टी मार्फत पाँचथर विजेता हुन सफल भएको थियो ।
कोशी प्रदेश भरिबाट जम्मा १२ वटा समाजका समूहबीच कडा प्रतिस्पर्धा भएको थियो । जसमा मिक्लाजुङ् इसाई समाज, मोरङ्ग र उर्लाबारी इसाई एकता समाज, मिक्लाजुङ् इसाई समाज, पाँचथर र बिर्तामोड इसाई समाज, चुलाचुली इसाई समाज र बिसिएस बेलडाँगी, दोमुखा इसाई समाज र बेलबारी इसाई समाज, आयोजक ए र आयोजक बी, धरान ख्रीष्टिय समाज, बिर्तामोड इसाई समाज र दमक उत्तरी ईशाई समाज(BCF) बेलडाँगीको सहभागीता रहेको थियो ।
समापनको क्रममा प्रमुख अतिथि झापा क्षेत्र नं. ५ प्रदेश ख का संसद होम बहादुर थापाको बाहुलीबाट विजेता मिक्लाजुङ समाजलाई नगद रु. ३०,०००÷– सहित ट्रफी, मेडल र प्रमाणपत्र प्रदान गरिएको थियो । यस पटक पनि दोस्रो भएको धरान ख्रीष्टिय समाजलाई झापा क्षेत्र नं. १ प्रदेश क संसद चिन्तन पाठकको बाहुलीबाट नगद रु. २०,०००/- सहित ट्रफी, मेडल र प्रमाणपत्र प्रदान गरिएको थियो भने सर्वाधिक गोलकर्ता सनिल राई, उत्कृष्ट गोल रक्षक सुजन बर्देबा र उत्कृष्ट खेलाडी सुमन राईलाई पनि ट्रफी प्रदान गरिएको थियो ।
उत्कृष्ट खलाडि सुमन राईलाई पनि ट्रफि प्रदान गरिएको थियो । उक्त प्रतियोगितामा मुख्य प्रायोजक “टाइटल स्पोन्सर” मा इम्मानुएल सुहाङले कोरियाबाट र सह-प्रायोजक सेलिना हार्डवेयर “युरो पेन्टस” दमक साथै सेकेन्ड टाइटलका लागि स्पोन्सर याकपाङदेन लिम्बुले कोरियाबाट सहयोग गरेको जानकारी खेलकुद विभागका सदस्य सुरज लिम्बुले दिएका थिए ।
मिडिया पार्टनरका रुपमा दमक टाउन सो प्रतियोगितामा समापन हुनु अघि दमक इसाई समाजका पास्टर तथा अगुवाहरू र सञ्चारकर्मीहरू बीच मैत्रीपूर्ण खेलको प्रस्तुति पनि रहेको थियो ।
स्मरण रहोस -वि.सं. २०५३ मा स्थापना भई २०७८ सालमा सरकारमा विधिवत रुपमा दर्ता भएको सो दमक नगर इसाई समाजले समुदायमा शिक्षा, स्वास्थ्य तथा विभिन्न प्रकारका सामाजिक कार्यहरू गरी जनसमुदायमा ठूलो योगदान पु¥याउँदै आएको छ ।
Discussion about this post