इन्जिन परिक्षणका लागि पोखरा लगिदै गरेको सौर्य एयरलाइन्सको जहाज दुर्घटना १५ जनाको मृत्यु ।

९ श्रावण २०८१ काठमडौ ।
त्रिभुवन अन्तरास्ट्रिय विमानस्थल काठमडौमा सौर्य एयरलाइन्सको जहाज दुर्घटना भएको छ । दुर्घटना हुँदा १५ जनाको मृत्यु भएको छ।

प्रहरी प्रधान कार्यालयले सार्वजनिक गरेको विवरणअनुसार जहाजमा रहेका १५ जनाको मृत्यु भएको छ । भने घटनास्थल बाट प्रहरीले अन्य ४ जनाको उद्धार गरेको छ

सौर्यको ९ एन-एएमई/सीआरजे २००
कलसाइनको जहाज बुधबार बिहान ११बजेर १५ मिनेटमा दुर्घटनामा परेको थियो ।
जहाज रनवे ०२ तर्फबाट उडेको र पूर्वतर्फ रनवे २० नजिकै दुर्घटनामा परेको थियो।

प्रहरी प्रधान कार्यालयका अनुसार जहाज मर्मतको लागि पोखरातर्फ उडान गरिएको थियो। जहाजमा सबै सौर्यकै कर्मचारीहरू रहेको प्रहरीको भनाइ छ। उक्त जहाजमा १९ जना थिए ।

जहाजमा रहेका क्याप्टेन ३७ वर्षीय मनीष शाक्यलाई उद्धार गरेर केएमसी अस्पतालमा लगिएको काठमाडौं उपत्यका प्रहरी कार्यालय रानीपोखरीका प्रवक्ता एसएसपी दिनेशराज मैनालिले जानकारी दिए।

‘क्याप्टेन मनीष शाक्यलाई बिहान ११ बजेर ३४ मिनेटमा उद्धार गरेर केएमसी अस्पताल लगिएको छ,’ उनले भने, ‘उनी बोल्न सक्छन्। आँखामा चोट लागेको छ।’

उनकाअनुसार जहाजमा लागेको आगो बुधबार बिहान ११ बजेर ४० मिनेटमा नियन्त्रणमा लिइएको हो।

सौर्य एयरको जहाज पोखराको लागि उडान गर्ने क्रममा बुद्ध एयरको ह्याङ्गर पछाडी खाली ठाउँमा खसेको थियो। घटनास्थलबाट निकालिएका शवहरू त्रिवि शिक्षण अस्पताल महाराजगञ्ज लगिएको उनले जानकारी दिए।