लागुऔषध दुरुपयोग र ओसापसारविरुद्ध को अभियान अन्तर्गत जनचेतनामुलक एकदिने कार्यक्रम दमकमा सम्पन्न ।

११ असार २०८१ दमक ।
लागु औषध दुरुपयोग तथा अवैध ओसारपसार विरुद्ध एकदिवसिय जनचेतना मुलक कार्यक्रम मङ्गलबार दमक नगर ईशाई समाजले सम्पन्न गरेको छ ।

रे अफ होभ चर्चमा सम्पन्न उक्त एकदिवसिय कार्यक्रम अन्तराष्ट्रिय लागू औषध दुरुपयोगको समाधान दिवसको अवसर पारेर एक दिवसीय जनचेतना मुलक कार्यक्रम गरिएको हो ।
दमक नगर ईशाई समाजको आयोजनामा तथा दमक नगरपालिकाको सहकार्य र इलाका प्रहरी कार्यालय दमकको प्राविधिक सहयोगमा उक्त एकदिवसिय जनचेतना मुलक कार्यक्रम सम्पन्न गरेको हो ।

कार्यक्रममा दमक ईलाका प्रहरी कार्यालयका वरिष्ठ प्रहरी नायव निरीक्षक कृष्णकुमारी अधिकारीले सहजिकरण गर्नुभएको थियो ।

वरिष्ठ प्रहरी नायव निरीक्षक अधिकारीले लागु-औषध भनेको के हो ?
लागु औषधका प्रयोगका चरणहरु,लागू औषध प्रयोग गर्ने युवा-युवतीका उमेर समुह, स्वभाव, लक्षण, गतिविधिहरुका बारेमा जानकारी गराउनुभएको थियो ।

इलाका प्रहरी कार्यालय दमककी महिला तथा बालबालिका सेलकी प्रमुख समेत रहनुभएकी वरिष्ठ प्रहरी नायव निरीक्षक अधिकारीले लागु औषध प्रयोग गर्न घर- परिवार, गाउँ-घरबाटै सिक्ने गरेको र त्यसलाई सुरुको समयमा रोकावट तथा
समाधान गर्ने उपाय नहुँदा युवा-युवतीहरु थप कुलततर्फ लाग्ने गरेको र समाजमा घटेका घटनाक्रमहरुलाई कार्यक्रममा प्रस्तुत गर्नुभएको थियो ।

दमक नगर इसाई समाजले संस्थागत रुपमा चर्च-मण्डलीहरुमा लागु औषधको बारेमा संचेतनाका कार्यक्रमहरु सञ्चालन गर्दै आइरहेको छ ।

पछिल्लो समय समाजमा दिनानुदिन बढ्‌दै गइरहेको लागु औषधको प्रयोग, यसको ओसारपसारमा रोकथाम र नियन्त्रणका बारेमा संचेतनासम्बन्धी कार्यक्रमहरु दमकको विभिन्न वडाहरुमा अवस्थित मण्डलीमा सञ्चालन गर्दै आइरहेको दमक नगर इसाई समाजका अध्यक्ष धनकुमार राई (आकाश)ले बताउनुभयो ।

ईशाईसमाजका अध्यक्ष धन कुमार राई (आकाश) को अध्यक्षतामा भएको कार्यक्रमको प्रमुख अतिथिको रुपमा दमक नगर पालिकाका प्रमुख रामकुमार थापाको आतिथ्यता रहेको थियो ।
कार्यक्रमका प्रमुख अतिथि दमक नगर प्रमुख थापाले अहिले लागु औषधको प्रयोग र यसबाट भइरहेको क्षतिको रोकथाम र नियन्त्रणमा समुदायले साझा समस्याको रुपमा लिएर हातेमालो गरेर नै समाधान गर्नुपर्ने बताए ।

कार्यक्रमम दमक नगर इसाई समाजका पूर्व अध्यक्षसमेत रहेका समाजका सल्लाहकार तथा समितिका संयोजक पाष्टर राजकुमार नाछिरिङ राईले शब्दद्धारा स्वागत मन्तब्य राख्नुभएको थियो ।

कार्यक्रममा पाष्टर दावा शेर्पा, पाष्टर डिके बेघा लिम्बू, पाष्टर मानबहादुर राई, दमक नगर इसाई समाजका सहसचिव तथा एल्डर सुरज लिम्बू, पाष्टर एबम् पत्रकार द्दोय अनिलदेव राई,डिकेन्द्र बस्नेत लगायतको उपस्थिति रहेको थियो । कार्यक्रमको सञ्चालन दमक नगर इसाई समाजका सचिव पाष्टर अजय पाठकले गर्नुभएको थियो ।