झापाको काकरभिट्टाबाट ब्राउन सुगर सहित तीन जना ब्यक्तिहरु पक्राउ ।

९ जेस्ठ २०८१ झापा ।
झापाको पूर्वी नाँका काँकरभिट्टाबाट छुट्टाछुट्टै समयमा लागूऔषधसहित तीन जना ब्यक्तिहरु पक्राउ परेका छन् । झापाको दमक र मोरङको उर्लाबारी नगरपालिकाबाट तीन जना ब्यक्तिहरु पक्राउ परेका हुन् ।

मेचीनगर-६ पुरानो मेचीपुल हुँदै भारतको पानीट्याङ्कीबाट सिटिसफारीमा नेपाल तर्फ आउदै गरेका मोरङ उर्लाबारी–५ का २६ बर्षिय समिर मगर र उर्लाबारी-२ का २७ बर्षिय सुजन कार्कीलाई मंगलबार (आज) प्रहरीले नियन्त्रण गरेको हो ।

ईलाका प्रहरी कार्यालय काँकरभिट्टा र लागूऔषध नियन्त्रण ब्युरो काँकरभिट्टाबाट खटिएको संयुक्त प्रहरी टोलिले चेकजाँचका क्रममा उनीहरुको साथबाट प्रतिबन्धित लागुऔषध ब्राउनसुगर १२ ग्राम १२० मिलिग्राम फेला परेको थियो ।

त्यसैगरी मेचीनगर-६ पुरानो मेचीपुल हुदै भारतको पानीट्याङ्की स्थितबाट सिटिसफारीमा आउँदै गरेका दमक–९ का २७ बर्षिय आशिष खडरियालाई प्रहरीले सोमवार साँझ लागूऔषधसहित पक्राउ गरेको छ ।

खडरियालाई शंका लागेर चेकजाँच गर्दा उनको साथबाट प्रतिबन्धित लागुऔषध ब्राउनसुगर ५ ग्राम १०० मिलिग्राम फेला परेकोले नियन्त्रणमा लिइएको प्रहरीले जनाएको हो ।

उनलाई झापा जिल्ला अदालतबाट लागूऔषध मुद्दामा म्याद थपको लागि कानुनी प्रक्रियाका सम्बन्धमा इलाका प्रहरी कार्यालय काँकरभिट्टाले थप अनुसन्धान गरिरहेको जिल्ला प्रहरी कार्यालय झापाले जनाएको छ ।