कपडामा लेपन गरि ल्याउदै गरेको सुन सहित विमान स्थलबाट भारतिय नागरिक पक्राउ ।

३१ बैशाख २०८१ काठमाडौँ ।
त्रिभुवन अन्तर्राष्ट्रिय विमानस्थलबाट प्रहरीले कपडाभित्र लेपन गरेर ल्याउदै गरेको अवश्थामा सुनसहित भारतिय नागरिकहरु पक्राउ गरेको छ ।
दुबईबाट आएको भारतीय नागरिकको साथबाट कपडामा लेपन गरेर ल्याउदै गरेको सुन सहित भारतिय नागरिक पक्राउगरिएको विमानस्थल सुरक्षा कार्यालयका एक जना अधिकृतले जानकारी गराएका हुन ।
अन्डरवेयर,हुडी र पाइन्टमा लेपन गरि ल्याउदै गरेकोसुन सहित कपडाको तौल ५ केजी १ सय ग्राम मापन गरिएको छ ।
कपडा र सुन छुट्याएपछि मात्र सुनको यकिन तौल आउने अनुसन्धानमा संलग्न अधिकृतहरू बताउँछन् ।
आइतबार साँझ पक्राउ परेका भारतीय नागरिकहरू फ्लाईट दुबईबाट काठमाडौं ओर्लिएका हुन् ।
भन्सार जाँचपास पार गरेपछि विमानस्थल सुरक्षा कार्यालयको टोलीले उनीहरूलाई पक्राउ गरेर अनुसन्धान शुरु गरेको भन्सार अधिकृतको भनाई छ ।