झापाको दमकमा आजदेखि नवौं फूड फेस्टिवल सुरु

दमक, ११ फागुन – झापाको दमकमा होटल व्यवसायी संघले आजदेखि नवौं फूड फेस्टिवल आयोजना गरेको छ । संघले बर्सेनी सञ्चालन गदैं आएको फूडफेस्टिवल आजदेखि सञ्चालनमा आएको अध्यक्ष योगराज दाहालले बताए ।

दमक-७, पशुहाटको मैदानमा आयोजना गरिएको फूडफेस्टिवलको दमक नगर प्रमुख रामकुमार थापाले उद्घाटन गर्नुभएको हो । स्थानीय खाद्यपरिकार तथा यहाँको पर्यटन, प्रवद्र्धनमा टेवा पुरयाउँने उद्देश्यले संघले २०७१ देखि फूडफेस्टिबलको आयोजना गरिदैआएको छ ।

फूडफेस्टिवलका संयोजक भुपेन्द्र न्यौपानेका अनुसार फागुन १९ गतेसम्म चल्ने फूडफेस्टिबलमा विभिन्न जाति-जनजातिका तीन दर्जन बढी सांस्कृतिक खाद्यपद्धार्थहरु, कृषि उत्पादन लगायतका व्यवसायिक स्टलहरु रहेका छन् ।

नवौं फूड फेस्टिवलको आज पहिलो दिन चर्चित गायक राम लिम्बूको प्रस्तुति रहने होटल ब्यवसायी संघका सदस्य काजी राउतले जनाएका छन् ।

फेस्टिबल अवधिभरि दैनिक स्थानीय तथा राष्ट्रिय स्तरका चर्चित गायिका रचना रिमाल, मेलिना राई, एलिना चौहान, अस्मिता अधिकारी, ज्योति मगर, जि-बब, त्रिशला गुरुङ्ग लगायतका कलाकारको समेत प्रस्तुति रहने जनाईएको छ ।

फेस्टिवलभरि करिव ५० हजार बढी दर्शकले अवलोकन गर्नुका साथैं रु ५० लाख बराबरको कारोवार हुने फेस्टिलवका संयोजक न्यौपानेले बताए । फुडफेस्टीबलमा विभिन्न जातजातिको खानाका परिकारसहित कुल ३५ ब्यवसायीक स्टल रहेका छन् ।

कार्यक्रममा नेपाल पर्यटन बोर्डका सदस्य कृष्ण शाह, होटल ब्यवसायी महासंघका उपाध्यक्ष रबिन गौतम, सचिब कुमार अधिकारी, होटल ब्यवसायी संघका प्रदेश अध्यक्ष राजन दंगाल लगायतले शुभकामना मन्तव्य राखेका थिए । संघका क्षेत्रीय अध्यक्ष योगराज दंगालको सभापतित्वमा भएको कार्यक्रमको सन्चालन भुपेन्द्र न्यौपानेले गरेका थिए ।