सुनको मूल्य घट्यो‚ चाँदीको बढ्यो

काठमाडौं। सुनचाँदी बजारमा आज सुनको मूल्य प्रतितोला २०० रूपैयाँ घटेको छ। नेपाल सुनचाँदी व्यवसायी महासंघका अनुसार मंगलबार छापावाल सुनको मूल्य प्रतितोला ९३ हजार रूपैयाँ तोकिएको छ। अघिल्लो दिन प्रतितोला ९३ हजार २०० रूपैयाँमा कारोबार भएको थियो।

यस्तै‚ तेजाबी सुनको आजको मूल्य प्रतितोला ९२ हजार ५०० रूपैयाँ कायम भएको छ। सोमबार प्रतितोला ९२ हजार ७०० रूपैयाँमा कारोबार भएको थियो।

त्यस्तै‚ आज चाँदीको मूल्य अघिल्लो कारोबार मूल्यका तुलनामा प्रतितोला १० रूपैयाँले बढेर एक हजार २६० रूपैयाँ पुगेको महासंघले जनाएको छ।