दमक । झापाको दमकमा नेपाली कांग्रेसकी नवनिर्वाचित केन्द्रीय सदस्य महेन्द्रकुमारी लिम्बू सम्मानित भएकी छिन् । नेपाल प्रेस यूनियन माइपश्चिम क्षेत्रीय समितिले उहाँकै निवाशमा आज एक कार्यक्रम गरि नेतृ लिम्बूलाई सम्मान गरेको हो । कार्यक्रममा नवनिर्वाचित केन्द्रिय सदस्य लिम्बूले जिल्लाबासी एवम् शुभेच्छुकहरुले गरेको विश्वासलाई कहिल्यै अवमुल्यन नगर्ने र साथै साथ र सहयोग गर्ने समेत बताउनुभयो ।
उक्त सम्मान ग्रहण कार्यक्रम पछि बोल्दै केन्द्रित सदस्य लिम्बुले आफ्नो जीत संगै पाएको सम्मानले आफ्नो जिवनको अमूल्य सम्पति भएको र सम्पूर्ण महाधिबेशन प्रतिनिधिहरु, नेताहरु तथा आम कार्यकर्ताहरुलाई समेत धन्यबाद ज्ञापन गर्नु भएको थियो ।
कांग्रेसको हालै सम्पन्न १४ औ महाधिबेशनबाट जिल्लाको माइपश्चिम क्षेत्रदेखि नै पहिलोपटक कांग्रेस केन्द्रीय सदस्यमा निर्वाचित बन्न सफल भएको भन्दै उनलाई दोसल्ला तथा सम्मानपत्रसहित सम्मानित गरिएको यूनियन क्षेत्रीय अध्यक्ष बिष्णु सुब्बाले बताउनुभएको छ ।
त्यसैगरि ,यूनियनका सदस्य तथा सञ्चारकर्मी आत्माराम राजवंशी प्रदेशसभा (क) को उपसभापति पदमा निर्वाचित हुनु भएकोमा बधाई तथा शुभकामना सहित सम्मान प्रदान गरिएको थियो ।
कार्यक्रममा नेपाल पत्रकार महासंघ प्रदेश नं. १ का कोषाध्यक्ष बिमल लामिछाने, अग्रज पत्रकार गञ्जबहादुर दाहाल, कांग्रेस क्षेत्रीय सभापति ढुण्डिराज भण्डारी लगायतले बधाई एवम् शुभकामना मन्तव्य राख्नु भएको थियो । यूनियनका जिल्ला सदस्य बिष्णु पौडेलले स्वागत मन्तव्य राखेको कार्यक्रममा यूनियनका जिल्ला उपाध्यक्ष गिरीराज भट्टराईले सञ्चालन गरेको कार्यक्रममा कांग्रेस जिल्ला सदस्य राजु तामाङ, राजकुमार गौतम, क्षेत्रीय सदस्य जितु धिमाल, यूनियनका सदस्यहरु, विभिन्न सञ्चारगृहका पत्रकारहरु लगायतको उपस्थिति रहेको थियो ।
Discussion about this post