कमल । झापाको कमलमा रहेको कमलनगर जेसीजले प्रभावकारी बैठक प्रणाली तालिमका साथै क्यालेण्डर विमोचन गरेको छ ।
कमलनगर जेसीजको आयोजना र गौरीगञ्ज गाउँपालिकाको वित्तिय सहयोगमा सम्पन्न कार्यक्रम अन्तर्गत गौरीगञ्ज गाउँपालिकाका जनप्रतिनिधी र कर्मचारीलाई संसदिय बैठक सन्चालन सम्बन्धि प्रभावकारी बैठक प्रणाली तालिम प्रदान गर्नुका साथै विक्रम सम्बत २०८० सालको क्यालेण्डर विमोचन गरेको छ ।
कमल गाउँपालिका-५, पाडाजुङी स्थित होटल रोडस्टारमा सम्पन्न तालिमलाई संस्कार एकाडेमीका सिईओ जेसीआई सिनेटर राजाबाबु शाहाले सहजीकरण गर्नु भएको थियो ।
कमलनगर जेसीज वर्ष २०२३ का उपाध्यक्ष जेसी रोशन अधिकारीको संयोजकत्वमा, वर्ष २०२३ का अध्यक्ष जेसी रिजु कार्कीको अध्यक्षतामा र गौरीगंज गा.पा. अध्यक्ष फुलवती राजवंशीको प्रमुख आतिथ्यतामा कार्यक्रम सम्पन्न भएकोे हो ।
होटल रोडस्टार एण्ड पार्टी प्यालेस कमल ५ को सभाहलमा, गौरीगंञ्ज गा.पा.का सम्पुर्ण जनप्रतिनिधिहरु र सम्पुर्ण कर्मचारीहरुलाई सो तालिम प्रदान गरिएको हो । बिहान ९ बजेदेखि सुरुभएको तालिम कार्यक्रम, बेलुका ४ बजे सम्पन्न भएको थियो । साथै अर्को कार्यक्रम कमलनगर जेसीजले तयार गरेको वि.संं. २०८० सालको क्यालेण्डर विमोचनको कार्यक्रम रहेको थियो । सो कार्यक्रमको संयोजक कमलनगर जेसीज वर्ष २०२३ का उपाध्यक्ष जेसी प्रदिप नेपाल रहनुभएको थियो ।
तालिमले बैठक सञ्चालन गर्न धेरै सहयोग पुगेको छ । हिजो पनि हामीले कार्यपालिका लगायत विभिन्न बैठक सञ्चालन गरी नै रहेका थियौं । तर धेरै कमजोरी गरेका रहेछौ, तालिमबाट त्यो गल्ती कमजोरीलाई सच्याएर अगाडी बढ्ने ज्ञान प्राप्त भएको छ । आगामी दिनमा तालिममा सिकेको ज्ञान र सिपलाई प्रयोग गर्दै बैठक सञ्चालन गर्ने गौरीगञ्ज गाउँपालिकाका अध्यक्ष फुलबती राजवंशीले बताउनु भएको हो ।
उक्त कार्यक्रममा कमलनगर जेसीजका निवर्तमान अध्यक्ष जेसी नारायण बस्नेत, गौरादह जेसीज वर्ष २०२३ का अध्यक्ष जेसी प्रकाश भट्टराई, कमलनगर जेसीजका आजीवन सदस्य जेसी प्रेम सापकोटा, जेसी राजन बहादुर ढुङ्गाना, जेसि उमानाथ भण्डारी, प्रहरी चौकी केर्खाको इन्चार्ज प्र.ना.नि. सुवास मिश्र, दमक जेसीज वर्ष २०२३ का अध्यक्ष जेसी मुकेश अग्रवाल, कमलनगर जेसीज वर्ष २०२० का अध्यक्ष जेसी हेम दाहाल, वर्ष २०२१ का अध्यक्ष जेसी छत्रपति खनाल गोपाल, वर्ष २०१८ का अध्यक्ष तथा हाल कमल १ का वडा अध्यक्ष केदार कटुवाल, कमलनगर जेसीज वर्ष २०१९ का अध्यक्ष जेसी शेखर न्यौपाने, कमलगनर जेसीजका संस्थापक अध्यक्ष जेसी रुपनारायण न्यौपाने, गौरीगंज गा.पा. वडा नं. १ देखि ६ नं. वडाका वडा अध्यक्षहरुको उपस्थिति रहेको थियो भने कार्यक्रमका विशेष अतिथिमा गौरीगंज गा.पा. का प्र.प्र.अ. सन्तोष श्रेष्ठ, विशिष्ट अतिथिहरुमा नेपाल जेसीज वर्ष २०२३ का राष्ट्रिय कार्यकारिणी उपाध्यक्ष जेसी कुमारसिंह साँवा, कमल गा.पा. उपाध्यक्ष प्रमिला न्यौपाने तिवारी, गौरीगंज गा.पा. उपाध्यक्ष पुजन न्यौपाने (कुँवर) र शिवसताक्षी न.पा. उपप्रमुख नरमाया कार्की रहनुभएको थियो ।
Discussion about this post