गौरादहमा पहिलोपटक फुड फेस्टिवल हुने

गौरादह, ४ चैत – झापाको गौरादहमा पहिलोपटक फुड फेस्टिवल आयोजना हुने भएको छ ।

शनिवार गौरादहमा गरिएको पत्रकार सम्मेलनमा पहिलो गौरादह फुड फेस्टिवल चैत २८ गतेदेखि बैशाख ६ गतेसम्म संचालन हुने जानकारी गराईएको हो । गौरादह–२ स्थित सहिदगेट नजिक गर्न लागिएको उक्त फेस्टिवलमा राष्ट्रिय चर्चित कलाकारहरुको दैनिक प्रस्तुति रहने कार्यक्रम आयोजक लायन्स क्लबमा चार्टर प्रेसिडेन्ट तिलक खनालले बताए ।

उक्त फुट फेस्टिवल गौरादहमा निर्माणाधिन लायन्स चिल्ड्रेन पार्कलाई आर्थिक सहयोग जुटाउने उद्धेश्यले गर्न लागिएको हो । फेस्टिवलको उद्धेश्य स्थानीय जातजातिय खानाको परिकारको प्रवर्धन गर्नु समेत रहेको खनालले जानकारी दिए । फेस्टिवलमा नेवार, धिमाल, संथाल लगायतका उपलब्ध भएसम्मका जातीय खानका परिकारको स्टल राख्ने तयारी रहेको खनालको भनाई छ । उनले जातिय खानाको स्टलकोलागि कुनै शुल्क नलाग्ने तर स्थानिय होटलहरुले स्टल राख्न चाहेमा निर्धारित शुल्क तिर्नुपर्ने व्यवस्था गरिएको बताए ।

फेस्टिबलमा स्थानिय स्तरमा उत्पादन भएका कृषि तथा घरेलु उत्पादनका साथै हस्तकलाका सामाग्रीहरुको समेत प्रदर्शन हुने फेस्टिबल ईभेन्ट म्यानेजर समिर नेपालले बताए । फेस्टिवलमा बालबालिका तथा वयस्कहरुको मनोरंजनकालागी खेल–तमासाहरु समेत राखिएको नेपालको भनाई छ ।

फेस्टिबलका मुख्य आकर्षण खानाका साथै राष्ट्रिय चर्चित गायकगायीका र कलाकारहरु समेत रहेको आयोजक संस्थाका प्रेसिडेन्ट श्याम दाहालले जानकारी दिए । कार्यक्रममा गौरादहका स्थानिय तथा चर्चित राष्ट्रिय कलाकार सिताराम ताजपुरीयालाई सम्मान गरिनुका साथै दैनिक रुपमा स्थानिय र राष्ट्रिय कलाकारको प्रस्तुति समेत रहने छ ।

फेस्टिवलमा चर्चित कलाकारहरु गायक प्रमोद खरेल, मिलन नेवार, शिव परियार, मेलिना राई, एलिना चौहान, आशिष राना (लाहुरे), रचना रिमाल, ज्योती मगर, सिर्जना खत्री र हाँस्य कलाकार सुमन कार्कीको सांगेतिक र हास्य प्रस्तुती रहने फेस्टिवल संयोजक किशोर केसीले बताए । प्रत्येक दिन स्थानिय कलाकारको प्रस्तुती रहने व्यवस्था गरिएको केसीको भनाई छ ।