महेन्द्र रत्न मा .वि. मा विभिन्न जातका फूलका बिरुवाहरू रोप्ने कार्य सम्पन्न (फोटो फिचर सहित)

कमल । झापाको कमल गाउँपालिका-२, समयगढ स्थित श्री महेन्द्र रत्न मा .वि. मा आज आइतबार विद्यालयका नयाँ भवनहरूको बरन्डामा गमलाहरू राखेर विभिन्न जातका फूलका बिरुवाहरू रोप्ने कार्य सम्पन्न भएको छ ।

विद्यालय व्यवस्थापन समितिका अध्यक्ष पवनकुमार राई तथा सदस्यहरू डिल्लीबहादुर भण्डारी र धनमाया अधिकारी पोख्रेलको आतिथ्य रहेको फूलका बिरुवा रोप्ने उक्त कार्यक्रममा विद्यालयका प्रधानाध्यापक बालकृष्ण संग्रौला, सहायक प्रधानाध्यापक हिमाल कोइराला लगायत सबै शिक्षक तथा कर्मचारीहरूको  सक्रिय सहभागिता रहेको थियो ।

कक्षा ६ देखि १० सम्मका विद्यार्थीहरूले कक्षागत रूपमा विद्यालयले निर्धारण गरिदिएका जम्मा ४८ ओटा गमलाहरूमा उत्साह, उमङ्‌ग, जोस, जाँगर र हर्षोल्लासपूर्वक फूलका बिरुवाहरू रोपेका थिए ।

विद्यालयका आकर्षक भवनहरूलाई गमलाका फूलहरूको सजावटबाट अझ बढी मनोरम र शोभायमान बनाउनको लागि फूल रोप्ने कार्य गरिएको महेन्द्र रत्न मा.वि.का प्रधानाध्यापक बालकृष्ण संग्रौलाले जानकारी दिनुभयो ।