विजयकुमार अधिकारी/ कमल । प्रदेश नं. १ को सामाजिक विकास मन्त्रालयअन्तर्गत शैक्षिक योजना तथा अनुसन्धान महाशाखाको आयोजनामा आज मङ्गलवारका दिन दमकस्थित होटल थ्री इनमा एक अभिमुखीकरण कार्यक्रम सम्पन्न भएको छ ।
कार्यक्रममा दमक, उर्लाबारी, पथरी शनिश्चरे, लेटाङ, गौरादह, रतुवामाई, कानेपोखरी, मिक्लाजुङ, गौरीगन्ज, कमल र चुलाचुलीबाट शिक्षा, युवा तथा खेलकुद महाशाखाका प्रमुखहरू, रोजगार संयोजकहरू, प्राविधिकधारमा सञ्चालित विद्यालयहरूका प्राविधिक धार तर्फका संयोजकहरू, प्रशिक्षकहरू लगायतको सहभागिता रहेको थियो । उक्त अभिमुखीकरणमा नेपाल व्यावसायिक योग्यता प्रणाली परियोजना (NVQS-P) को परिचय तथा उक्त परियोजनामा उल्लेख भएअनुसार सङ्घीय, प्रादेशिक र स्थानीय तहको भूमिका र जिम्मेवारीको सम्बन्धमा छलफल गरिएको थियो ।
कार्यक्रममा कमल गाउँपालिकाका युवा, खेलकुद तथा शिक्षा शाखा प्रमुख सूर्यप्रसाद न्यौपाने, प्राविधिक विषय सञ्चालित श्री सरस्वती मा.वि. कमल-७ रङपुरका प्रधानाध्यापक रुकमान सुब्बा र प्राविधिक विषय सञ्चालित श्री महेन्द्र रत्न मा.वि. कमल-२, समयगढका शिक्षक विजयकुमार अधिकारी लगायतको समेत उपस्थिति रहेको थियो ।
Discussion about this post