कमल – झापाको कमल गाउँपालिकाको वडा नम्वर ६ को वडा अध्यक्षमा पुनः नरेन्द्र भट्टराई निर्वाचित हुनुभएको छ ।
कमल गाउँपालिका स्थित निर्वाचन कार्यालयको अनुसार कमल गाउँपालिकाको वडा नम्वर ६ को अध्यक्षमा पुनः नेकपा एमालेका तर्फबाट उमेद्वारी दिनुभएका भट्टराई विजयी हुनुभएको हो ।
भट्टराईले १,७५० मत प्राप्तगरी विजयी हुनु भएको छ भने उहाँका निकटतम् प्रतिष्पर्धी गठबन्धनका प्रेम कुमार राईले १,३६७ मत प्राप्त गर्नु भएको छ ।
त्यसैगरी खुल्ला महिला सदस्य तर्फ एमालेकी गंगादेबी राईले १,६१८ मत प्राप्त गरी विजयी हुनु भएको छ भने दलित महिला सदस्यमा रोजिन विश्वकर्माले १,५७३ मत प्राप्त गरी विजयी हुनु भएको हो ।
खुल्ला सदस्यमा टंक बहादुर खड्काले १,५१९ मत तथा ओमप्रसाद पराजुली १,५११ मत प्राप्त गरी विजयी हुनु भएको निर्वाचन अधिकृत प्रकास गौतमले जानकारी दिनुभयो ।
Discussion about this post