दमकमा नेपथ्य लाइफ कन्सर्ट हुने

दमक – नयाँ बर्ष २०७९ को उपलक्ष्यमा बैशाख १ गते दमकमा नेपालको चर्चित सांगीतिक ब्याण्ड नेपथ्य लाइफ कन्सर्ट हुने भएको छ । स्थानीय ध्रुवतारा स्पोर्टिङ क्लवको ३० औ स्थापना दिवसका अवसर पारेर नेपथ्य लाइफ कन्सर्ट गर्न लागेको हो ।

आज क्लवले दमकमा पत्रकार सम्मेलन गरि कन्सर्टका बारेमा जानकारी दिएका हुन् । कार्यक्रम दमक-९, स्थित सरस्वती माविको मैदानमा हुने क्लबका सचिब हिरामणि खडकाले बताए ।

कार्यक्रममा करिब ६० लाख रुपैया खर्च हुने अनुमान गरिएको आयोजकले जनाएको छ । लाईभ कन्सर्टको प्रवेश शुल्क १ हजार रुपैँया रहेको पनि पत्रकार सम्मेलनमा जनाइएको छ । यसको पहिलो टिकट ध्रुवतारा स्पोर्टिङ क्लवका सस्थापक अध्यक्ष भीमराज चौलागाईले खरिद गरेर सुभारम्भ गरेका छन् । टिकट दमकको मुख्य मुख्य चोक तथा क्लवको कार्यालयमा पनि उपलब्ध हुने जनाइएको छ ।

उक्त लाइफ कन्सर्टको मुख्य प्रायोजक किङस स्टन इन्ष्च्यिूट अष्ट्रेलिया रहने छ । कार्यक्रममा नेपाल टच अस्ट्रेलियाको सहयोग रहने नेपाल संयोजक राजकिशोर गोस्वामीले जानकारी दिए । पत्रकार सम्मेलनमा ध्रुवतारा स्पोर्टिङ क्लवका संस्थापक अध्यक्ष भीमराज केसी, क्लवका पदाधिकारी, सदस्यहरुको उपस्थिति रहेको थियो ।