पाँचथरको भालेभिरमा ट्याक्टर दुर्घटना हुँदा चालकको मृत्यु

झापा । राँके-रवि सडक खण्ड अन्तर्गत मिक्लाजुङ गाउँपालिका वडा नम्बर १ को फुङ्सिङ भालेभिरमा ट्याक्टर दुर्घटना हुँदा चालकको मृत्यु भएको छ ।

मृत्यु हुनेमा इलाम माङसेबुङ गाउँपालिका वडा नम्बर ३ बाघमारा निवासी वर्ष २१ का रविन लिम्बुकाे घटनास्थलमा मृत्युु भएकाे जिल्ला प्रहरी कार्यालय पाँचथरले जनाएको छ ।

बुधबार दिउँसो अन्दाजी १ बजे राँकेबाट रबि तर्फ जाँदै गरेको प्रदेश १-०१-००१ त ८५९५ नम्बरको ट्याक्टर कच्ची सडकबाट करीब ७ मिटर तल भिरमा खस्दा ट्याक्टरको इन्जिनको भागले किचेर चालकको मृत्यु भएको जिल्ला प्रहरी कार्यालय पाँचथरका सुचना अधिकारी डम्बर बिश्वकर्माले जानकारी दिए ।