भोजपुरबाट दुईवटा ट्रक र खैरो हेरोइन (ब्राउन सुगर) सहित दुई जनालाई पक्राउ

समिर दुलाल, भोजपुर – भोजपुरबाट धरान जाँदै गरेको दुईवटा ट्रकमा खैरो हेरोइन (ब्राउन सुगर) भेटिएपछि प्रहरीले दुई जनालाई पक्राउ गरेको छ । सदरमुकाम नजिकैको दुम्सिकामा को. १ ख ६२३२ र ना. ६ ख ७४७८ नम्बरको ट्रकमा ब्राउन सुगर लुकाएर लाँदै गरेको पाइएको जिल्ला प्रहरी कार्यालय, भोजपुरका सूचना अधिकारी इन्सपेक्टर अर्जुनकुमार अधिकारीले जानकारी दिए ।

ट्रक चालकहरू धनकुटा नगरपालिका घर भइ मोरङ केराबारी गाउँपालिका-१० बस्दै आएका २९ वर्षीय सुमन तामाङ र संखुवासभा धर्मदेवी नगरपालिका- ५ बस्ने ३७ वर्षीय दलबहादुर मगरलाई पक्राउ गरिएको छ । उनीहरूको साथबाट करिब २ ग्राम १ मिलिग्राम ब्राउन सुगर र ८३ हजार ६ सय नगद बरामद गरिनुका साथै दुईवटै ट्रक नियन्त्रणमा लिइएको प्रहरीले बताएको छ ।