समावेशी ,समानुपातीक प्रणाली वचाउनका लागी नेकपालाई जिताउनुपर्छ (रन्जीत तामागॅ)

Spread the love

२५ माघ २०८२

झापा क्षेत्र नम्वर ५ का लागी नेपाली कम्युनिष्ट पार्टीका उम्मेदवार रन्जित तामाङले समावेशी र समानुपातिक प्रणाली रक्षाका लागि आफ्नो पार्टीलाई मतदान गर्नुपर्ने बताएका छन्।

तामाङले समावेशी राजनीतिको जननी नेकपा नै भएको दाबी गर्दै मतदान गर्ने आग्रह गरे ।

आइतवार दमकमा धिमाल राष्ट्रिय मुक्ति मोर्चाद्वारा आयोजित भेलालाई सम्बोधन गर्दै तामाङले भने, ‘हजारौँको बलिदानबाट हामीले नै समावेशी राजनीतिको जग बसालेका हौं।

यसका जनजी हामी हौं’ तामाङले भने । सबै उत्पीडित जाति, क्षेत्र , वर्ग र लैङ्गिक समुदायको पक्षमा आफुहरू अनवरत लडेको जिकिर गर्दै तामाङले आफुहरूलाई जिताउन मतदाताहरूलाई आग्रह गरे ।

नेकपा झापा क्षेत्र नं. ५ का निर्वाचन परिचालन समितिका संयोजक सुरेन्द्र बस्नेतले समावेशी एजेण्डा र मुद्धाका दृष्टिकोणले रन्जित तामाङ नै अब्बल उम्मेदवार भएको दाबी गरे। बस्नेतले पहिचान र समावेशिताको रक्षाका लागि नेकपाको जीत अनिवार्य भएको बताए।

कार्यक्रममा धिमाल राष्ट्रिय मुक्ति मोर्चाका अध्यक्ष तारेकलाल धिमालले धिमाल लगायतका आदिबासी जनजातिका अधिकार र पहिचानको जगेर्नाका लागि रन्जित तामाङलाई जिताउन अपिल गरे।

कार्यक्रममा नेकपा केन्द्रीय सदस्य दिपेनवाला राई, प्रविण चाम्लिङ, वाईसीयल उपाध्यक्ष कर्म पुलामी लगायतको सहभागिता रहेको थियो।

Spread the love