वैदेशिक रेजगारीमा रहेका कमल झापाका गोपाल बहादूर लिम्वूको मृत्यु ।

झापाको कमल गाउँपालिका–६ पञ्चकन्या लखनपुरका ४२ वर्षीय गोपालबहादुर लिम्बू शेर्माको मृत्यु भएको छ ।

वैदेशिक रोजगारीको अवश्थामा रहेका उनी विगत ६ महिनादेखि उपचाररत उनको यही जनवरी १० मा मृत्यू भएको हो ।

नेपालबाट रोमानिया गएका  गोपाल 2025अप्रिल 16 देखि पोल्यान्डमा थिए । पोल्यान्डको क्राको सहरस्थित ग्रान्ड प्लस एजेन्सीमा उनी फलफूल तथा हरियो सागपात प्याकेजिङ गर्ने वेयर हाउसको काम गर्थे ।

उच्च रक्तचापका कारण बिरामी गोपाललई गत अगस्टमा अचानक मस्तिष्कघात भएको थियो ।

त्यसपछि एसडब्ल्यू आग्नेय मेखोवे अस्पतालमा भर्ना गरिएका उनको एक साताअघि मृत्यु भएको उनीसँगै काम गर्ने गोपालका भतिज दिनेश लिम्बू शेर्माले जानकारी दिए । उनका अनुसार कोमामा रहेकै अवस्थामा गोपालको मृत्यु भएको हो ।

यसैबीच, गोपालका छोरा किरण लिम्बूले आफ्नो आमासमेत मिर्गौला सम्बन्धी रोगबाट पीडित भएको र आर्थिक अवस्था अत्यन्त दयनीय भएको भन्दै बुवाको शव नेपाल ल्याउन विभिन्न संघसंस्था तथा नेपाली समुदायसँग सहयोगको याचना गरेका छन् ।

‘गोपालको शव नेपाल पठाउन सम्बन्धित कम्पनीसँग छलफल भएको छ । अब आवश्यक कानुनी प्रक्रिया पूरा गरी छिट्टै नेपाल पठाउने तयारी भइरहेको छ’, वारसाका लागि नेपालका अवैतनिक वाणिज्यदूत डा बोधराज सुवेदीले भने ।

शाभार-नेपाल खवर