अमेरिकी डलर महँगिदा विश्व बजारमा सुनको मूल्य अझ उच्च, पाउण्ड पनि बढ्यो, युरो घट्यो !

१३ मॅसिर २०८२ काठमाडौं।

लगातार बलियो भएको अमेरिकी डलरको विनिमय दर शनिबार अझ उच्च भएको छ। युरोपियन युरो घटेको छ भने पाउण्ड स्टर्लिङ बढेको छ। डलर र युरोको मूल्यमा बढोत्तरीको असर सबैजसो मुलुकका मुद्राको भाउमा परेको छ।

नेपाल राष्ट्र बैंकका अनुसार शनिबार १ अमेरिकी डलरको खरिद दर १४२ रुपैयाँ ८४ पैसा र बिक्री दर १४३ रुपैयाँ ४४ पैसा भएको छ। शुक्रबार खरिद दर १४२ रुपैयाँ ६० पैसा र बिक्री दर १४३ रुपैयाँ २० पैसा थियो।

अमेरिकी डलरसँगै अन्तर्राष्ट्रिय बजारमा सुनचाँदीको कारोबार मूल्य पनि बढेको छ। सुन महँगिदै प्रति औंस ४२१९.२३ डलर पुगेको छ। एक दिनमा सुनको भाउमा ६२.९१ डलरको बढोत्तरी भएको हो। ३० दिनमा सुनको भाउ प्रति औंस १५३.७१ डलर बढिसकेको छ। चाँदी पनि बढेर प्रति औंस ५६.७२ डलर पुगेको छ। चाँदीको भाउमा प्रति औंस ३.३२ डलरको बढोत्तरी छ।

डलरसँगै बढेको पाउण्ड स्टर्लिङको खरिद दर १८८ रुपैयाँ ६७ पैसा र बिक्री दर १८९ रुपैयाँ ४६ पैसा भएको छ। शुक्रबार खरिद दर १८८ रुपैयाँ ६१ पैसा र बिक्री दर १८९ रुपैयाँ ४० पैसा थियो।

युरोपियन युरो ४ पैसा सस्तिएको छ। शनिबार खरिद दर १६५ रुपैयाँ ११ पैसा र बिक्री दर १६५ रुपैयाँ ८० पैसा भएको छ। शुक्रबार खरिद दर १६५ रुपैयाँ १६ पैसा र बिक्री दर १६५ रुपैयाँ ८५ पैसा पुगेको थियो।

स्वीस फ्रयांक, अष्ट्रेलियन डलर, क्यानेडियन डलर, सिंगापुर डलर, जापानी येन , चिनियाँ युआन, साउदी रियाल, कतारी रियाल, थाइ भाट, यूएई दिराम, मलेसियन रिंगेट, हङकङ डलर, कुवेती दिनार, बहरेन दिनार र ओमानी रियाल बढेका छन्।

दक्षिण कोरियाली वोन घटेको छ। १०० वोनको खरिद दर ९ रुपैयाँ ७१ पैसा र बिक्री दर ९ रुपैयाँ ७५ पैसा भएको छ। शुक्रबार खरिद दर ९ रुपैयाँ ७५ पैसा र बिक्री दर ९ रुपैयाँ ८० पैसा थियो।

स्वीडिश क्रोनर र डेनिश क्रोनरको खरिद दरमा घटबढ नभए पनि बिक्री दरमा झिनो परिवर्तन छ।

यस्तो छ आजको भाउ