२४ जेस्ठ २०८२काठमाडौं :
नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले सरकारको नीतिगत निर्णयमा अख्तियारले मुद्दा लगाएपछि प्रश्नचिन्ह खडा भएको टिप्पणी गरेका छन्।
शुक्रबार संसद् भवन नयाँ बानेश्वमार सञ्चारकर्मीसँग कुरा गर्दै उनले पतञ्जली जग्गा प्रकरणमा माधव नेपालविरुद्ध मुद्दा दर्ता हुनुमा प्रतिशोधको गन्ध आएको बताएका हुन्।
उनले भने,‘माधवजीले नै आश्चर्यमा हुनुहुन्छ भन्नुभएको छ। उहाँले अदालतले न्याय दिन्छ भन्ने कुरामा विश्वास गर्नु भएको छ।
सफाइ पाउँछु पनि भन्नुभएको छ।अदालतले उहाँमाथि न्याय नै गर्छ भन्ने मैले पनि ठानेको छु।’
- अध्यक्ष प्रचण्डले प्रधानमन्त्रीबाट अलिकति राजनीतिक प्रतिशोधको गन्ध आएको बताए। अख्तियारले पनि गम्भीर प्रश्न जन्माएको उनले बताए। ‘
- क्याबिनेटको निर्णय, नीतिगत निर्णय अख्तियारको क्षेत्राधिकार भन्दा बाहिरको कुरा स्वयं अख्तियारले ललिता निवास प्रकरणमा भनेको छ। उसले त्यसबेला बाबुराम भट्टराई र माधव नेपालका विषयमा जे गरोस् क्याबिनेटले नै गरोस् भनेर चिठी नै लेखेको छ।
मैले पनि देखेको छु,’उनले भने,‘माधवजीले गरेको त नीतिगत निर्णय नै हो।
त्यसमा अख्तियार प्रवेश गरेकाले प्रश्न उठेको छ। अख्तियारले यसबारे जवाफ देला। यो कुरा नै स्टाबलिस हुन्छ भने त गिरिबन्धुमात्र होइन अरू अरू पनि पर्ने कुरा नै भए।’
उनले भिजिट भिसा प्रकरणको छानबिन हुन जरुरी रहेको बताए। विपक्षीले राखेका विषयमा कांग्रेस सभापति शेरबहादुर देउवासँग छलफल गर्ने तयारी भएको उनले बताए।
Discussion about this post