२ बैसाख २०८२/काठमाडौं,
नेकपा माओवादी केन्द्रले केही समय रोकेको तराई-मधेश जागरण अभियान पुन: फेरि शुरु गरेको छ।
जागरण अभियान अन्तर्गत मंगलबार अध्यक्ष पुष्पकमल दहाल प्रचण्डसहितका शीर्ष नेताहरु नवलपुरका विभिन्न कार्यक्रममा सहभागी भइरहेको जनाईएको छ।
नवलपुरको गैडाकोट वडा नम्बर ३, ४ र ८ को संगमस्थल लखन चोकमा नेपालका प्रथम शहीद लखन थापाको सालिकमा माल्यार्पण गरी अध्यक्ष प्रचण्डले आज देखि तराई मधेश जागरण अभियान शुरु गरेको उनका सचिवालयले जनाएको छ।
- तराई मधेश जागरण अभियानमा उपाध्यक्ष एवं पार्टीका प्रवक्ता अग्नि सापकोटा, हालै उपाध्यक्षमा मनोनित पूर्वउपराष्ट्रपति नन्दबहादुर पुनलगायत सहभागी छन्।
माओवादी अभियान नवलपुर, नवलपरासी, रूपन्देही हुँदै कपिलवस्तुसम्म सञ्चालन हुने जनाइएको छ ।
झापाबाट शुरु गरेको अभियान माओवादीले चितवनमा आएर विश्राम लिएको थियो ।
केहीअघि बर्दियामा अभियानका लागि पुगेका माओवादी नेताहरू मंगलबार नवलपुर पुगेका हुन् ।
Discussion about this post