ट्र्म सरकारले अमेरिकाबाट१०० जना नेपालीहरु निस्कासित गरेको छ ।

काठमाडौं –

अमेरिकाबाट १०० जना नेपाली डिपोर्ट भएका छन्।

राष्ट्रपति डोनाल्ड ट्रंपले अवैधानिक रूपमा बसेका आप्रवासीलाई देशबाट निस्कासन गर्न दिएको निर्देशन अनुसार सय जना नेपाली अमेरिकाबाट डिपोर्ट भएका हुन्।

नेपाल प्रहरीको मानव बेचबिखन अनुसन्धान ब्यूरोले दिएको तथ्यांकअनुसार आर्थिक वर्ष २०८१ सुरु भएपछि कात्तिक महिनामा ३, मंसिरमा १३, पुसमा ६, माघमा २५, फागुनमा २३ र चैतमा ३० जना गरि जम्मा १०० जना निस्कासनमा परेका छन्।

आव २०७५ को साउनदेखि २०८१ को असारसम्म अमेरिकाबाट नेपाल डिपोर्ट हुने नेपालीको संख्या १ सय ९९ रहेको थियो।

मानव बेचबिखन नियन्त्रण ब्यूरोका प्रवक्ता नरेन्द्र कुँवरका अनुसार डिपोर्ट भएर आउनेहरू प्रायः सबैजना अवैध बाटो हुँदै अमेरिका पुगेका हुन्।

केही भने वैध रूपमै पुगेका नेपालिहरु पनि ट्रम सरकारको निशानामा पर्न थालेका छन्।

ब्युरोका मुद्दा शाखा प्रमुख डीएसपी ज्ञानबहादुर विष्टका अनुसार अवैध बाटो हुँदै अमेरिका गएका नेपालीहरूले ५० लाखदेखि एक करोड रुपैयाँ सम्म खर्च गरेको जानकारी गरेका हुन  ।

ठूलो रकम खर्च भइसकेको हुँदा उनीहरूले प्रहरीमा उजुरी गर्न चाहँदैनन्।

उनीहरूलाई लैजाने गाउँकै आफन्त, छरछिमेक तथा नजिकका मान्छे हुने हुँदा पनि नेपालमा आएर आफैं मिलाउने भन्दै उजुरी दिन मान्दैनन्।

प्रहरिका अनुसार, उजुरी गर्दा कानुनी कारबाहीको लागि हुने झमेला र लामो प्रक्रियाले गर्दा पनि उनीहरू त्यस प्रकारका कानुनी झमेलामा अल्झन चाहँदैनन्।

डिपोर्ट भएर फर्किएकाहरूलाई मानव बेचबिखन नियन्त्रण ब्यूरोले अनुसन्धान गर्ने गरेको छ । तर, उनीहरू केही पनि बोल्न नचाहने र उजुरी पनि नगर्ने भन्दै उम्कने गरेको बताईएको छ ।