१०;माघ २०८१काठमाडौं ।
इन्टरपोलले रेड नोटिस जारी गरेर खोजी कार्यमा फरार रहेका एक प्रतिवादी ओमानमा पक्राउ परेका छन् ।
पक्राउ पर्ने बर्दिया बढैयाताल गाउँपालिका-२ स्थायी घर भएर काठमाडौं टोखा बस्दै आएका बिनोद पौडेल ओमानमा पक्राउ परेका हुन्।
एनसीबी अबु मस्कट ओमानको समन्वयमा ओमानमा पक्राउ परेका उनलाई सम्बन्धित मुद्दामा कारबाही गर्न बुधबार नेपाल फिर्ता ल्याइएको प्रहरीले जनाएको छ ।
उनलाई पक्राउ गर्न एनसीबी काठमाडौंको अनुरोधमा इन्टरपोल महासचिवालयबाट २०८१ पुस १२ गते रेड नोटिस जारी भएको थियो ।
पक्राउ परेका उनी मानव बेचबिखन तथा ओसारपसार मुद्दाका फरार रहेका प्रतिवादी हुन् ।
Discussion about this post