९ माघ २०८१ दमक, दमक प्याब्सनले दमकमा शुन्य दुर्घटना अभियानकालागि विद्यालयका चालक तथा सहचालकहरुलाई प्रशिक्षण तथा सहजीकरण कार्यक्रम सम्पन्न गरेको छ।
शून्य दुर्घटना अभियानका लागी ईलाका प्रहरी कार्यालय दमक र ईलाका ट्राफिक प्रहरी कार्यालय दमकले सहजीकरण तथा एकता एकेडेमिक विद्यालयका चालक तथा सहचालकहरूका लागि शून्य दुर्घटनासम्बन्धी सचेतना कार्यक्रम सम्पन्न गरेको हो ।
कार्यक्रममा ८० जना भन्दा बढी चालक र सहचालकहरूको उपस्थिति रहेको कार्यक्रमको उद्देश्य शून्य दुर्घटनाको महत्त्व, सडक सुरक्षाका नियम, ट्राफिक व्यवस्थापन, र आपतकालीन अवस्थामा अपनाउनु पर्ने उपायका बारेमा जानकारी प्रदान गरिएको थियो।
कार्यक्रमका दौरान इलाका प्रहरी कार्यालय दमकका प्रहरि निरीक्षक नविन राइले सुरक्षित यातायात प्रणाली निर्माणमा चालक र सहचालकहरूको भूमिकालाई जोड दिँदै, मापसे र लापसेले पार्ने असरको बारेमा जानकारी दिदै ट्राफिक नियमहरूको पालना गर्नुपर्ने महत्त्वलाई औँल्याए ।
ट्राफिक प्रहरी कार्यालय दमकका प्रमुख नारायण प्रसाद भट्टराईले सडक दुर्घटना न्यूनीकरणका उपायहरूको व्यावहारिक अभ्याससमेत गराएका थिए।
प्याब्सन दमकले यस्ता कार्यक्रमले दुर्घटनाको जोखिम कम गर्दै सबैलाई सुरक्षित र जिम्मेवार यात्राको वातावरण सिर्जना गर्ने विश्वास व्यक्त गरेका थिए ।
दमक प्याबसनकोआयोजना रहेको कार्यक्रममा ट्राफिक प्रहरी कार्यालय दमकको सहजीकरण तथा प्याब्सन दमकका सचिव लक्ष्मी नेपालले संचालन गरेको उक्त कार्यक्रममा दमक प्याब्सनका अध्यक्ष नविन योगिको अध्यक्षता, प्याब्सन कोशी प्रदेश सल्लाहकार एल. डि राईको प्रमुख आतिथ्यता, प्याब्सन कोशी प्रदेश सचिव कोषराज प्याकुरेलको विशेष आतिथ्यता रहेको थियो ।
उपस्थित चालक तथा सहचालकहरूले कार्यक्रमबाट महत्त्वपूर्ण जानकारी हासिल गरेको प्रतिक्रिया जनाएका थिए ।कार्यक्रमले विद्यालय यातायातलाई थप व्यवस्थित र सुरक्षित बनाउने उद्देश्य पूरा गरेको आयाेजकले जनाएको छ ।
Discussion about this post