सशस्त्र सीमा सुरक्षा र विपद व्यवस्थापनमा सशस्त्रको अग्रणी भूमिका – मुख्यमन्त्री कार्कि ।

९ माघ २०८१ विराटनगर ।
कोशी प्रदेशका मुख्यमन्त्री हिक्मत कुमार कार्कीले शशस्त्र प्रहरीले सीमा सुरक्षा, बिपद र शान्ति सुरक्षाको क्षेत्रमा महत्त्वपूर्ण योगदान पुर्याएको बताउनुभएको छ ।

आज सशस्त्र प्रहरी बल नेपाल नम्बर एक बाहिनी मुख्यालय पकली इटहरीमा २४ औं स्थापना दिवसको अवसरमा आयोजित एक कार्यक्रममा बोल्दै मुख्यमन्त्री कार्कीले सशस्त्रको गौरव गाथा अबिस्मरणीय रहेको चर्चा गर्नुभयो ।

सशस्त्र प्रहरीले सीमा क्षेत्रमा बोडरपोस्ट र कतिपय ठाउँमा भवनहरु नभएपनि सीमा सुरक्षामा खेलेको भुमिका अविष्मरणीय रहेको बताउँदै उहाँले भन्नुभयो ‘कोरोनाकालमा सीमा क्षेत्रमा र विपद् आउँदा अग्रभागमा खेलेको भूमिकाले सशस्त्र प्रहरी बल महत्वपूर्ण रहेको बताए ।

सिमित स्रोत साधनबिच सीमा सुरक्षा गरेर राजस्व वृद्धि गर्न र विपत व्यवस्थापनमा खेलेको भुमिकाको प्रशंसा गर्नुभयो । काही विपद् भयो भने सशस्त्र प्रहरी छ यसले काम गर्छ भनेर ढुक्क हुने अवस्था रहेको उनले बताए ।

मुख्यमन्त्री कार्कीले प्रदेश सरकारले ५२ वटा बोडर पोस्ट निर्माण गरेको जानकारी दिँदै आगामी दिनमा थप सहयोग गर्ने प्रतिबद्धता व्यक्त गर्नुभयो ।

दुई ठुला देश रहेको र भारतसँग खुला सीमा रहेकोले आपसी समन्वय गरेर काम गर्दै देशले लाभलिन सक्नु पर्नेमा उनले जोड दिए ।

कार्यक्रममा सशस्त्र प्रहरीका प्रहरी नायव महानिरीक्षक (डिआईजी) सम्भु सुवेदीले धन्यवाद मन्तव्य व्यक्त गर्दै सशस्त्र प्रहरीले विभिन्न आरोह अवरोह पार गर्दै जनताको सेवा गर्दै यहाँसम्म आइपुगेको बताए ।

यस्तै प्रहरी वरिष्ठ उपरीक्षक (एसएसपी) मनिष थापाले स्वागत मन्तव्य व्यक्त गर्दै सशस्त्र प्रहरीले गरिरहेको हाल गरिरहेको कामका विषयमा जानकारी गराउनु भएको थियो।
कार्यक्रममा विभिन्न ब्यक्ति र प्रहरीलाई सम्मान गरिएको थियो ।