शेरा दरबार सरकारको मातहतमा ल्याऊ, हाम्रो पूर्ण साथ रहन्छः प्रचण्ड ।

१५ पौष २०८१ गौरिगन्ज झापा ।
नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ले नुवाकोटको शेरा दरबारको जग्गासँग पार्टी नेतृत्वलाई जोडेको भन्दै आपत्ति जनाएका छन्।

झापाको गौरीगञ्ज गाउँपालिकामा आयोजित खबरदारी सभा तथा वृहत पार्टी प्रवेश कार्यक्रमलाई सम्बोधन गर्दै उनले १२-१५ वर्षअघि पार्टी छाडेका व्यक्तिसँग जोडेर शेरा दरबारको जग्गामा पार्टी नेतृत्वलाई जोडेकोमा आपत्ति जनाएका हुन्।

‘हाम्रो सुशासनको आन्दोलन तुहाउने षड्यन्त्रस्वरूप १५ बर्ष अघि पार्टी छाडेका व्यक्तिसँग जोडेर शेरा दरबारको जग्गामा पार्टी नेतृत्वलाई जोड्न थालिएको र जनतामा एक प्रकारको भ्रम छर्न खोजिएको छ उनले भने ।

शेरा दरबारको जग्गा सार्वजनिक हो भने तत्काल सरकारको मातहतमा ल्याऊ, हाम्रो पूर्ण साथ र समर्थन रहने छ, अन्यथा यसरी प्रायोजित प्रचार गर्नुको कुनै अर्थ छैन उनले भने ।

भ्रष्टाचारविरोधी अभियान आफ्नो र पार्टिको अभिष्ट रहेको उल्लेख गर्दै उनले भने, ‘प्रधानमन्त्री हुँदा मैले अनुसन्धान अधिकारीहरुलाई भनेको थिएँ, भ्रष्टाचारीलाई खोज्दै जाँदा कतै प्रचण्ड आयो भने पनि नछाड्नू ।

अहिले पनि भन्न चाहन्छु, यदि भ्रष्टाचारका मुद्दामा हाम्रा पार्टीका नेताहरु जोडिन्छन् भने कसैलाई पनि र कुनैपनी बहानामा, हालतमा छाडिने छैन´प्रचन्डले भने ।

स्मरण रहोस विभिन्न पार्टिहरु परित्याग गरि करिव ७ सयभन्दा बढी कार्यकर्ताहरु माओबादी पार्टिमा प्रबेश गरेका छन । पार्टी अध्यक्ष पुस्पकमल दहाल प्रचन्डले आज गौरिगन्जमा केराकोपातमा खाना खाना खाएका छन ।