खृस्टियन धर्मवलम्बिहरुको डिसेम्बर २५ः येशुखृस्टको जन्मोत्सव `कृसमस डे´भब्यताका साथ मनाएका छ्न ।

११ पौष२०८१ काठमडौ,बिहिबार ।

क्रिश्चियन धर्मका संस्थापक येशु ख्रीष्ट जन्मेको दिनको सम्झनामा पौष१०गते बुधबार यस समुदायका मानिसले क्रिसमस डे भब्यताका साथ जन्मोत्सव विभिन्न कार्यक्रम को आयोजना गरि मनाएका छन ।

आजभन्दा दुई हजार २५ वर्षअघि डिसेम्बर २५ तारिखका दिन येशु ख्रीष्टको जन्म इजरायलको वेथलेहेममा भएको थियो। पवित्र आत्माबाट गर्भवती भई कुमारि मरियमबाट येशु ख्रीष्टको जन्म वेथलेहेममा भएको हो ।

पवित्र आत्माबाट गर्भवती भई कुमारी मरियमबाट जन्मिएका येशु ख्रीष्टले मानवजातिका लागि तीन मुख्य खुसियाली दिएको नेपाल ख्रिष्टियन महासंघका अध्यक्ष सिबी गहतराजले बताए।

उनले मुक्ति, प्रेम र शान्ति दिएको विश्वासमा क्रिश्चियन समुदायले आजको दिनलाई तीनवटै दिवसका रुपमा मनाउने गरेका छन ।

मानिसलाई प्रेम गरेर आएकाले प्रेम दिवस, शान्ति स्थापना गर्न आएकाले शान्ति दिवस र मुक्ति दिन आएकाले मुक्ति दिवसका रुपमा आजको दिनलाई मनाउने गरिएको उनले बताए । विश्वका धेरै मानिसले मनाउने क्रिसमस डे नेपालमा भने विसं २०६३ पछि महासंघले महोत्सवका रुपमा मनाउन थालेको हो ।

दिवसका अवसरमा विसं २०६३ देखि २०७४ सम्म सार्वजनिक बिदा दिइएको थियो। यस अवसरमा विसं २०७५ देखि २०७७ सम्म भने क्रिश्चियन धर्मावलम्बीहरुलाई मात्र बिदा दिइएको थियो । विसं २०७८ देखि यस अवसरमा फेरि सबैलाई सार्वजनिक बिदा दिन थालिएको छ।

हाल नेपालमा ३५ लाख क्रिश्चियन धर्मावलम्बी रहेको महासंघको दाबी छ। १५ हजारभन्दा बढी चर्च बनिसकेको पनि महासंघले बताउँदै आएको छ। नेपालमा क्रिश्चियनका १३ वटै सम्प्रादयहरुको चर्च रहेको जनाइएको छ।

महासंघ मूल समारोह समितिको आयोजनामा हिजो दिउँसो खृस्टजन्मोत्सव २०८१ आयोजना गरिएको थियो ।

नेपाल प्रज्ञा-प्रतिष्ठान कमलादीमा कार्यक्रमको आयोजना गरिएको सरकारका प्रतिनिधिसहित सबै राजनीतिक दलका प्रतिनिधिको उपस्थिति रहेको अध्यक्ष गहतराजले बताए।

पछिल्लो समय मुख्य सहरका प्रमुख स्थलमा क्रिसमस ट्रि सजाउने गरेको देखिन्छ। विशेषगरी क्रिश्चियन समुदायका विदेशी पर्यटकलाई आकर्षित गर्न सजाउने गरिएको हो।

पर्यटकीय क्षेत्र ठमेल, बौद्ध, पोखरा, सौराहालगायत कोशी प्रदेशका विभिन्न शहरहरुमा समेत क्रिसमस येशु ख्रीष्टको जन्मोत्सवका रुपमा क्रिसमस भब्यताकासाथ मनाएको जनाईएको छ ।