बालुवाटार बैठकको निर्णय समाजबादी मोर्चा गठन गर्नुपर्ने ।

२७ असार २०८१ काठमडौ ।
प्रधानमन्त्री एवं नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ले समाजवादी मोर्चाको पुर्नगठनका बारेमा समाजवादी घटक दलहरूसँग छलफल गरेका छन् ।

बुधवार साँझ प्रधानमन्त्री निवास बालुवाटारमा नेकपा (एकीकृत समाजवादी), नेपाल कम्युनिष्ट पार्टी र नेपाल समाजवादी पार्टीसँग प्रधानमन्त्री दाहालले छलफल गरेका हुन् ।

प्रचण्डको अग्रसरतामा अघि सारिएको समाजवादी मोर्चाको अभियानलाई यतिबेला दाहालको सरकारबाट बहिर्गमन हुने निश्चित भएपछि पुनः ब्यूँताएर सक्रिय बनाउने निर्णय भएको बताए ।

साथै नेताहरूले अर्को बैठकसम्म समाजवादी मोर्चामा रहने राजनीतिक दलहरूको टुंगो लगाउने र छिटै बैठक बस्ने निर्णय गरेका छन्

बैठकमा प्रधानमन्त्री दाहाल, नेकपा एकीकृत समाजवादी अध्यक्ष माधवकुमार नेपाल, नेपाल कम्युनिस्ट पार्टी अध्यक्ष नेत्रविक्रम चन्द, नेपाल समाजवादी पार्टीका अध्यक्ष महेन्द्र राय यादवलगायत नेताहरु सहभागी थिए ।