माओबादिले आफ्नो पार्टी सुधृटिकरण अभियान सङ्गै बिधार्थिलाई बिरुवा उपहार ।

२४ जेस्ठ २०८१ झापा ।
सत्तारुढ दल नेकपा माओवादी केन्द्रले सञ्चालन गरिरहेको पूर्वेली संगठन निर्माण अभियान अन्तर्गत दमकमा वृक्षारोपणलाई सक्रियतापूर्वक अघि बढाएको छ ।

संगठन निर्माणसँगै पार्टीलाई उत्पादनसँग जोड्न एक घर एक विरुवा को नारासहित वृक्षारोपण अघि बढाएको हो ।
पार्टीले सञ्चालन गरेको पूर्वेली संगठन निर्माण अभियान अन्तर्गत दमकमा लिची र कागतीको विरुवा रोप्ने अभियानलाई यस बर्षको वातावरण दिवसको अवसर पारेर बिद्यार्थीसँग बिरुवा उपहार सङ्ग पनि जोडेको छ ।

जेस्ठ १३ देखि नै दमकमा कागती र लिचीका एक लाख विरुवा रोप्ने कार्यक्रम चलाइरहेको माओवादी केन्द्रले २३ जेठ सम्ममा करिब ३० हजार विरुवा रोपिसकेको छ ।
यो कार्यक्रममा सहभागी हुँदै पार्टी पक्तिंलाई हौसला भर्न पार्टीको कोशी प्रदेश इञ्चार्ज एवं पूर्व मन्त्री हरिबोल गजुरेल, कोशी प्रदेश सभा संसदीय दलका नेता इन्द्र आङबो लगायतका नेताहरु समेत सामेल भएका छन् ।
माओवादी केन्द्र दमकले दमक ८ स्थित माओवादी केन्द्रको नगर पार्टी कार्यालय परिसरमा औपचारिक कार्यक्रम गरि वातावरण दिवसका बारेमा सचेतनासहित वृक्षारोपण गरेको नगर अध्यक्ष कुलबहादुर बस्नेत रविले जानकारी दिए ।

माओवादीद्धारा दमकमा जारी अभियानका संयोजक समेत रहेका माओवादी केन्द्र झापाका संयोजक राजु आचार्य अग्नी, नगर इञ्चार्ज बेदु गौतम, लक्ष्मी भन्डारी प्रशान्त सहित पार्टी नेता, कार्यकर्ताहरुको उल्लेख्य सहभागितामा कार्यक्रम सञ्चालन गरिएको थियो ।
माओवादी केन्द्र दमकले सुर्योदय बोर्डिङ स्कूलका बिद्यार्थीहरुलाई वातावरण दिवसको अवसर पारेर तीन सय विरुवा उपहार स्वरुप प्रदान गरेको छ ।
नेता आचार्य, नगर इञ्चार्ज बेदु गौतम, सन्तोष गौतम, नगर कमिटी अध्यक्ष बस्नेतसहितको टोलीले बिद्यालयमै पुगेर त्यहाँका करिब ३ सय बिद्यार्थी, शिक्षक, कर्मचारी र कतिपय अभिभावकहरुलाई समेत कागती, लिची,जामुनाको विरुवा बितर्ण गरेका थिए ।