नेपाल टेलिकमले भन्यो फ्रीक्वेन्सी प्राप्त भए फाईभ जि सेवा दिन तयार छौ ।

४ गते बैशाख २०८१ ।
काठमाडौं । नेपाल टेलिकमकी प्रबन्ध निर्देशक संगीता पहाडीले नियामक नेपाल दूरसञ्चार प्राधिकरणले फ्रिक्वेन्सी तय गरिदिए तत्कालै फाइभजी सञ्चालनमा ल्याउन तयार भएको बताएकी छिन् । शुक्रवार विश्व दूरसञ्चार दिवसको अवसरमा आयोजित एक कार्यक्रममा बोल्दै पहाडीले व्यावसायिक रूपमा फाइभजी सेवा दिन आफूहरू तयार भएको दाबी गरेकी हुन् ।

“महानगरपालिका र केही सहरी क्षेत्रमा फाइभजी सेवा आवश्यक परेको छ,” उनले भनिन् “सेवा सञ्चालनका लागि हामी नियामकबाट फ्रिक्वेन्सी स्वीकृति पर्खिरहेका छौं ।
प्राधिकरणले फाइभजी सेवा परीक्षणका लागि टेलिकमलाई २६ सय ब्यान्डमा ६० मेगाहर्ज फ्रिक्वेन्सी उपलब्ध गराएको छ । यस अन्तर्गत कम्पनीले बबरमहल, सुन्धारा, पोखरा, वीरगन्ज लगायतमा फाइभजी उपकरणहरू जडान गरी परीक्षण कार्य पूरा गरेको छ । व्यावसायिक रूपमा यसको सुरुवातका लागि भने पर्याप्त अध्ययन तथा संयन्त्र तयार भएको देखिदैन

।“हामीले फाइभजी प्रयोग गरिरहेको छिमेकी देश भारतलाई अवलोकन गरिरहेका छौं । त्यसबाट के पायौं भने त्यहाँको बजारमा फाइभजी आर्थिक र सामाजिक रूपमा परिपक्व भइसकेको छैन । युरोप र अन्य विकसित देशमा यसको प्रभाव फरक छ।”