३१बैशाख २०८१ झापा ।
संखुवासभाको किमाथांका चैनपुर नगरपालिका-१ नूनढाकीबाट कटुवा पेस्तोलसहित एक जनालाई प्रहरीले पक्राउ गरेको छ ।
जिल्ला प्रहरी कार्यालय संखुवासभाका प्रहरी निरीक्षक अशोक कुमार जबेगुले चैनपुर नगरपालिका-१ नूनढाकीका ४२ वर्षीय दिल कुमार चोङवाङ पक्राउ परेको जानकारी दिए।
पेस्तोल बोकेर हिँडडुल गर्ने गरेको विशेष सूचनाको आधारमा प्रहरी चौकी नूनढाकी र संखुवासभाको प्रहरी टोलीले एक थान कटुवा पेस्तोलसहित चोङवाङलाई आइतबार पक्राउ गरिएको प्रहरी निरीक्षक जबेगुले बताए ।
बरामद भएको कटुवा पेस्तोलसहित चोङवाङ विरुद्ध मुलूकी अपराधसंहिता, २०७४ को हातहतियार तथा खरखजना सम्बन्धी कसूरमा जिल्ला अदालत चैनपुरबाट म्याद थप गरेर अनुसन्धान प्रक्रिया अघि बढाएको जिल्ला प्रहरी कार्यालय संखुवासभाले जनाएको छ ।
Discussion about this post