कदम थिएटरमा मनिक शंकरको नाटक आरनको गीत मन्चन

दमक, ११ बैशाख, दमकको एकमात्र नाटकघर कदम थिएटरमा मनिक शंकरको आफ्नो भोगाइमा आधारित नाटक आरनको गीत मन्चन भइरहेको छ ।
बैशाख ७ गते देखि १५ गते सम्म हरेक दिन बेलुका ५ बजे साथै शनिबार दिउँसो १ बजे समेत नाटक मन्चन भइ रहेको नाटकका लेखक तथा निर्देशक मनिक शंकरले जानकारी दिए।
संवैधानिक रुपबाटै समानुपातिक प्रतिनिधित्व, समावेशीकरण, विशेषाधिकार, सकारात्मक विभेदको उद्घोष गरियो। इतिहासमा राज्यव्यवस्था वा राज्यको मूलधारमा आउनबाट वञ्चित वर्ग र समुदायलाई ‘उत्थान औषधि’ को रुपमा यस किसिमको संवैधानिक व्यवस्थाले राजनीतिक, सामाजिक, आर्थिक, शैक्षिक क्षेत्रमा के कति प्रभाब पार्यो? यसलाई आजको पुस्ताले कुन रुपमा लिईरहेको छ? सामाजिक प्रचलन र व्यवहारमा के कस्ता परिवर्तन आए? हामी एकअर्कालाई कुन रुपले स्विकार गरिरहेका छौँ? आदि इत्यादी प्रश्नहरुको जवाफ खोतल्ने प्रयास नाटक ‘आरनको गीत’ रहेको नाटकका निर्देशक बताउछन् । आफ्नो भोगाइ र व्यवहारलाई सरल रुपबाट इमान्दारीताका साथ भन्न खोजिएको कथा ‘आरनको गीत’ रहेको र आज सम्मको सो हरुमा दर्शकहरुको उल्लेखनीय उपस्थितले आफु उत्साहित भएको लेखक तथा निर्देशक मनिक बताउछन ।
नाटक प्रस्तुतिमा मनिक स्वयम रहनुभएको छ भने संगीतमा पुस्प राइ, परिमा राइ, प्रवीण भण्डारी, दिपेस मगर र रितु दाहाल रहनुभएको संगीत संयोजक पुस्प राइले जानकारी दिए ।
यो नाटक बैशाख १५ गते सम्म मन्चन गरिने नाटक कलाकार नविन रिजालले जानकारि दिए