खानेपानी तथा सरसफाइ उपभोक्ता समितीको निर्वाचनमा रास्वपा दमक भाग नलिने

रास्वपा दमक नगर समितिले खानेपानी तथा सरसफाइ उपभोक्ता समितीको निर्वाचनमा आफ्नु पार्टीबाट उम्मेदवार नउठाउने घोषण गरेको छ।

एक बिज्ञाप्ती जारी गर्दै पार्टीले आधिकारिक रुपमा कसैलाइ पनि उम्मेदवार नउठाउने तर पार्टीको कोहि सदस्य आफु खुसी उम्मेदवार दिन चाहे पार्टीबाट रोकतोक नहुने र सहयोग पनि नहुने उल्लेख गरेको छ।

विज्ञप्ति:-
राष्ट्रिय स्वतन्त्र पार्टी जनस्तरका सामुदायिक संघ संस्थाको नेतृत्व छनोटमा हुने दलीय स्वार्थ प्रेरित प्रतिस्पर्धाको सदैव विपक्षमा रहेको छ। दमक खानेपानी तथा सरसफाई उपभोक्ता समितिको चुनाव नजिकिंदै गर्दा यस संस्थामा राजनीतिक भागबण्डा वा दलिय प्रतिस्पर्धाका आधारमा नेतृत्व छनोट गरिनु सर्वथा गलत प्रवृति हो । सामुदायिक संस्था संचलानको उदेश्य गैर – राजनीतिक र क्रियाकलापहरु समुदाय केन्द्रित हुनुपर्छ भन्ने रास्वपाको स्पस्ट मान्यता छ। जनहितका लागि गर्नुपर्ने काममा पनि भागबण्डा खोजेर जनतालाई सधै राजनीतिक पार्टीको अधिनमा राख्ने प्रवृतिको हामि घोर विरोध गर्दछौं ।

खानेपानी एवं सरसफाई अन्तन्त संवेदनशील क्षेत्र हो र सो क्षेत्रको नेतृत्व संवन्धित क्षेत्रका विज्ञ एवं जनप्रिय एवं जनकल्याणकारी हुनुपर्छ भन्ने हाम्रो बुझाइ हो । राष्ट्रिय स्वतन्त्र पार्टीको तर्फबाट कुनैपनि उमेद्वार दमक खानेपानी तथा सरसफाई उपभोक्ता समितिको चुनावमा भाग नलिने स्पस्ट पार्दछौं । यधपी कुनै पार्टी सदस्य वक्तिगत हैसियतमा भाग लिने वक्तिगत स्वतन्त्रताको विषय हुन सक्ला । यस कारण वक्तिगत स्वतन्त्रताको विषयमा रास्वपाले कुनै रोकछेक नगर्ने समेत यसै विज्ञप्ति मार्फत जानकारी गराउदछौं।