डिपिएल कन्काई बर्ष २०२४ को अध्यक्षमा कडेल चयन

झापा । झापाको दमकमा ‘पठन संस्कृतिको बिकास संगै सकारात्मक सोच सहितको सु-संस्कृत युवा नेतृत्व” भन्ने मुल नाराको साथ स्थापना भएको डाईनामिक पब्लिक लाईबेरी (डिपिएल) को शाखा कार्यालय डिपिएल कन्काईको तेस्रो पद हस्तान्तरण कार्यक्रम सम्पन्न भएको छ ।

कनकाई माविको सभाहलमा बुधबार भएको पद हस्तान्तरण संगै बर्ष २०२४ को डिपिएल कन्काईको अध्यक्षमा विशाल कडेल चयन भएका छन् । त्यस्तै वरिष्ठ उपाध्यक्षमा सारिका गिरी, महासचिव जेनिस चम्लागाई, उपाध्यक्षहरु सविन खरेल र प्रतीक्षा दुङ्गेल, कोषाध्यक्ष तारा उप्रेती चयन भएका छन् ।

त्यस्तै निर्देशकहरु प्रतापबाबु जमरकट्टेल, श्रीजन श्रेष्ठ, अभिषेक मिश्र र मदन उप्रेती चयन भएका छन् । बाँकी रहेका अन्य केही पदमा पहिलो बोर्ड बैठकबाट मनोनित गरिने नवनिर्वाचित वरिष्ठ उपाध्यक्ष सारिका गिरीले जानकारी दिनु भएको छ ।

कार्यक्रममा डिपिएल कन्काईका निवर्तमान अध्यक्ष कोमल न्यौपानेको अध्यक्षता रहेको थियो । त्यस्तै प्रमुख आतिथ्यमा कन्काई नगरका उपप्रमुख आशा शर्मा शिवाकोटी, विशिष्ट अतिथिमा डिपिएल अभिभावक बोर्डका महासचिव देवेन्द्र प्रसाईं र डिपिएल राष्ट्रिय बोर्डका वरिष्ठ उपाध्यक्ष अनु भण्डारी रहनु भएको थियो भने डिपिएल राष्ट्रिय बोर्डका महासचिव महेश भण्डारी, डिपिएल राष्ट्रिय बोर्डका उपाध्यक्ष दिवस खतिवडा, सुरुङ्गा जेसिसका अध्यक्ष राजु पाठक लगायतको उपस्थिति रहेको थियो ।

कार्यक्रममा स्वागत मन्तव्य नवनिर्वाचित अध्यक्ष विशाल कडेलले राखेका थिए त्यस्तै पहिलो चरणको कार्यक्रमको सञ्चालन वर्ष २०२३ का महासचिव श्रीजन श्रेष्ठले गरेका थिए भने पदभार ग्रहण पछि को कार्यक्रम संचालन २०२४ का महासचिव जेनिस चम्लागाईले गरेका थिए ।