दमक, १० फागुन : फक्ताङलुङ साँस्कृतिक मञ्च द्वारा फागुन १८ र १९ गते झापाको दमक पसुहाटमा ´याक्थुङ साम्लो महोत्सवको आयोजना गर्ने भएको छ ।
दमक पत्रकार मञ्चमा, पत्रकार सम्मेलन गरी फक्ताङलुङ साँस्कृतिक मञ्च केन्द्रिय समितिले जानकारी दिएको हो । दमकमा हुने, याक्थुङ साम्लो महोत्सवको पूर्व तयारीमा भईरहेको फक्ताङलुङ मञ्चका अध्यक्ष पूर्ण कुमार सेर्मा यादनले बताउनु भएको हो ।
लिम्वू समुदायमा रहेको लोपन्मुख, गीत संगीतलाई उजागर गर्नको लागी ´याक्थुङ साम्लो महोत्सव आयोजना गर्न लागेको पनि अध्यक्ष शेर्माले बताउनु भयो ।
लिम्वूहरुको मौलिक संस्कृति तथा मुन्धुमी लोक साम्लो गीत, पालम,ख्याली,हाक्पारे,केलाङहरुको उत्थान सम्बर्द्द्न साथै प्रचार ,प्रसार गरि युवा पुस्ता सम्म पुराउने, उद्धेश्यले महोत्सव गर्न लागेको र प्रवेश नि:शुल्क रहेको पनि मञ्चले प्रेस विज्ञप्तिमा बताएको छ।
सो कार्यक्रममा पालाम,हाक्पारे,ख्याली र धान नाँचमा समेत कलाकारहरुको वेजोड प्रस्तुती रहने पनि कार्यक्रमका संयोजक, विक्रम वनेमले बताउनु भएको छ ।
Discussion about this post