गौरादह साँस्कृतिक महोत्सवमा आज शुक्रबार चर्चित गायिका मिलन नेवारको प्रस्तुति रहने

गौरादह, १९ माघ । झापाको गौरादहमा सञ्चालन भइरहेको गौरादह साँस्कृतिक महोत्सव-२०८० मा आज माघ १९ गते शुक्रबारका दिन चर्चित गायिका मिलन नेवारको विशेष साँगीतिक प्रस्तुति रहने भएको छ ।

बेलुका ७ बजे देखि प्रस्तुत हुने गायिका मिलन नेवारले आफ्ना चर्चित गीतमार्फत मनोरञ्जन गराउने छिन् । गायिका नेवारसँगै स्थानीय कलाकार र साङ्गीतिक समूहको पनि विशेष प्रस्तुति रहने छ ।

लायन्स क्लब अफ गौरादह युनाइटेड र जे.एस. फिल्मस्को आयोजनमा माघ ११ गतेबाट गौरादह-१, डिपु चौकमा सुरु भएको महोत्सव माघ २५ गतेसम्म जारी रहनेछ ।