गौरादह साँस्कृतिक महोत्सवमा आज बिहिबार चर्चित गायिका बविना किरातीको प्रस्तुति रहने

गौरादह, १८ माघ । झापाको गौरादहमा सञ्चालन भइरहेको गौरादह साँस्कृतिक महोत्सव-२०८० मा आज माघ १८ गते बिहिबारका दिन चर्चित गायिका बविना किरातीको विशेष साँगीतिक प्रस्तुति रहने भएको छ ।

बेलुका ८:०० बजेदेखि प्रस्तुत हुने गायिका बविना किरातीले आफ्ना चर्चित गीतमार्फत मनोरञ्जन गराउने छिन् । गायिका किरातीसँगै स्थानीय कलाकार र साङ्गीतिक समूहको पनि विशेष प्रस्तुति रहने छ ।

लायन्स क्लब अफ गौरादह युनाइटेड र जे.एस. फिल्मस्को आयोजनमा माघ ११ गतेबाट गौरादह-१, डिपु चौकमा सुरु भएको महोत्सव माघ २५ गतेसम्म जारी रहनेछ ।