भुटानी शरणार्थी शिविरमा ५० लामा गुरुहरुद्धारा कान्जुर पुजा आराधना गरिने

दमक, ६ माघ : झापाको दमक-३ वेलडाँगी स्थित भुटानी शरणार्थी शिविरमा बौद्ध धर्मलम्वीहरुको कान्जुर पुजा आउँदो फागुनको पहिलो साता देखि आयोजना गर्ने आयोजकले बताएको छ ।

डुक साङाक थार्पालिङ्ग सार्वजनिक बौद्ध गुम्बा दमक-३ वेलडाँगीले आज पत्रकार सम्मेलन गरि आउँदो फागुन २ गतेदेखि ७ गते सम्म कान्जुर पुजा आयोजना गर्ने जानकारी दिएको हो ।

भुटानी शरणार्थी शिविरको बौद्ध गुम्वा श्री डुक साङाक थार्पालिङ्ग सार्वजनिक बौद्ध गुम्बाले गरेको पत्रकार सम्मेलनमा ५० जना लामा गुरुहरुद्धारा पुजा आराधना गरि भब्यताका साथ कान्जुर पुजा आयोजना गर्ने ,संस्थाका अध्यक्ष राजमान गुरुङ्गले बताउनु भयो ।

कान्जुर पुजा विश्व शान्ति तथा जीवित प्राणी र मानवहरुको सुखमय जीवनको निम्ति आयोजना गर्न लागिएको पनि गुरुङ्गले बताए । कान्जुर पुजामा भुटानी शरणार्थी शिविरवाट तेस्रो देश पुनरवासमा रहेका भुटानीहरुको सहयोगमा यो कार्यक्रम गर्न लागेको पनि अध्यक्ष गुरुङ्गले बताउनु भयो ।

सो पुजामा पुनरवासमा रहेका ५ सय शरणार्थीहरुको उपस्थिति रहने र वेलडाँगी शिविरमा रहेका शरणार्थी बीचको पारिवारिक पुनरमिलन हुने अपेक्षा रहेको पनि बताउदै, कान्जुर पुजा बौद्ध धर्मलम्वीहरुको मात्र नभएर सबै धर्मलम्वीको साझा पुजा भएको,बताउदै पुजामा किरात, हिन्दु,मुश्लिम र इसाई लगायतका अन्य धर्मलम्वीहरु पनि सहभागी हुन पाउने श्री डुक साङाक थार्पालिङ्ग सार्वजनिक बौद्ध गुम्बा दमक समितिले बताएको छ ।

सो गुब्बाका कोषध्यक्ष सन्तोष गुरुङ्खले पुजाको लागि अनुमानित २५ लाख रुपैयाँ खर्च हुने पनि बताउनु बताएको छ । कान्जुर पुजाको आर्थिक संकलनको लागि पुनरवासमा रहेका अमेरिका लगायत अन्य मुलुकमा रहनुभएका शरणार्थीहरुको आर्थिक सहयोग रहने आयोजकले बताएको छ ।

सो पुजा गर्नको लागि मुख्य भूमिका ,टिवीटङ्ग लामा,कर्म लामा र नरेश लामाको रहेको पनि कोषध्यक्ष सन्तोष गुरुङ्गले जानकारी दिएका छ । कान्जुर पुजाका लागि स्वइच्छाले सहयोग गर्ने शरणार्थी र गैर शरणार्थीको सहयोग पनि लिने श्री डुक साङाक थार्पालिङ्ग सार्वजनिक बौद्ध गुम्बा समितिले बताएको छ ।