स्ववियु दमक क्याम्पसद्वारा जेब्रा क्रसिङ निर्माण

दमक, ०८ पौस ।  स्वतन्त्र विधार्थी यूनियन दमक बहुमुखी क्याम्पसद्वारा आज (आइतबार) दमक क्याम्पस अगाडि महेन्द्र राजमार्गमा विद्यार्थीहरुको सहजीकरणका निम्ति जेब्रा क्रसिङ निर्माण कार्य सम्पन्न गरेको छ।

स्व.वि.यु. अध्यक्ष सोभिम न्यौपानेको नेतृत्वमा उक्त स्थानमा जेब्रा क्रसिङको निर्माण गरिएको स्व. वि. यु. सचिव दिपक लिम्बुले जानकारी दिनु भयो ।

सो स्थानमा क्याम्पस, विद्यालय तथा हस्पिटल पनि रहेकोले विद्यार्थी तथा बिरामीहरुलाई बाटो क्रस गर्न सहज होस् भन्ने उदेश्यले जेब्रा क्रसिङ निर्माण गरिएको स्व. वि. यु. कोषाध्यक्ष उमा राइले बताउनु भयो ।

उक्त कार्यक्रममा जिल्ला ट्राफिक प्रहरी कार्यालयका ट्राफिक प्रहरी निरीक्षक नवराज न्यौपाने तथा इलाका ट्राफिक प्रहरी कार्यालयका प्रमुख सुरेन्द्र खड्का, स्व. वि.यु. पदाधिकारी, सदस्य तथा विद्यार्थीहरुको उपस्थिति रहेको थियो ।

साथै विद्यार्थीहरुले यातायातमा समस्या भोग्नुपरेका गुनासोलाई मध्यनजर गर्दै सरोकारवालाहरु सँग समस्या समाधानको लागि छलफल अगाडि बढाइएको र चाडैँ नै समाधान हुनेमा विस्वस्त हुन सम्पूर्णमा जानकारी समेत गराइएको स्व.वि.यु. अध्यक्ष सोभिम न्यौपानेले बताउनु भयो ।