ज्योति मा.वि. कमलमा भव्य रुपमा ५७ औँ वार्षिक उत्सव तथा अभिभावक दिवस मनाइदै

कमल, २ पौष । झापाको कमल गाउँपालिका वडा नं. २, भुत्लुङ्गमा अवस्थित ज्योति माध्यमिक विद्यालयले आफ्नो ५७ औँ वार्षिक उत्सव तथा अभिभावक दिवस भव्यताका साथ मनाउने भएको छ ।

उक्त कार्यक्रममा प्रमुख अतिथिका रुपमा कमल गाउँपालिका अध्यक्ष हुकुमसिंह राईको उपस्थिति रहनेछ भने स्थानीय गायक नन्दु गुरुङ्ग तथा बाल कलाकार रियाज रिजालको समेत प्रस्तुति रहने विद्यालयका प्रधानाध्यापक नगेन्द्र बस्नेतले बताउनु भएको छ ।

विगतमा वर्षहरुमा पनि यस्तै विभित्त कार्यक्रम गर्दै आएको यस विद्यालयमा यस वर्षको कार्यक्रम यही पौष ०५ गते बिहिबारका दिन ठिक १० बजेबाट विद्यालयको परिसरमा हुने विद्यालयका कम्प्युटर विभाग प्रमुख शिक्षिका पूजा श्रेष्ठले बताउनु भएको छ ।

उक्त वार्षिक उत्सव तथा अभिभावक दिवसको अवसरमा विसं. २०६७ देखि २०७९ सालसम्मको एसएलसी तथा एसइइ परीक्षामा उत्कृष्ट हुने विद्यार्थीहरुलाई सम्मान गरिनुका साथै विद्यालयमा विभिन्न कार्यक्रमहरु समेत गरिएको छ भने खेलकुद सप्ताह कार्यक्रम समेत सुरु गरिएको खेलकुद विभाग संयोजक प्रकाश धिमालले बताउनु भएको छ ।