दमक, २० साउन – झापाको दमकमा शुक्रबार सम्पन्न प्रथम दमक नगर ईसाई समाज प्रदेश स्तरीय फुटसल प्रतियोगिताको उपाधी सुनसरीको धरान ख्रीष्टियन समाजले कब्जा गरेको छ ।
दमक-५, स्थित गोर्खाली टोलमा भएको फाइनल खेलमा मोरङको मिक्लाजुङ (मधुमल्ला) ईसाई समाजलाई ४ का विरुद्ध ९ गोल अन्तरले पराजित गर्दै धरान ख्रीष्टिनय समाजले कोशी प्रदेश स्तरीय अन्तर ईसाई समाज फुटसल प्रतियोगिताको उपाधी कब्जा गरेको हो ।
प्रतियोगिताको उपाधीसहित धरान ख्रीष्टियन समाजले नगद २० हजार, मेडल, ट्रफि र प्रमाणपत्र हात पारेको छ भने उपबिजेता मोरङ मिक्लाजुङ (मधुमल्ला) इसाई समाजले नगद १५ हजार, मेडल, ट्रफि र प्रमाणपत्रमा चित्त बुझायो ।
त्यस्तैं, तेस्रो चरणका लागि सेमिफाइनल खेलमा धरान ख्रीष्टियन समाजसंग पराजित दमक इसाई समाज (ए) र मिक्लाजुङ मधुमल्ला ईसाई समाजसंग पराजित दमक नगर इसाई समाज (बि) बीच खेल सम्पन्न भएको थियो । जसमा आयोजक दमक नगर ईसाई समाज (बी) ले आयोजक दमक नगर इसाई समाज (ए) लाई ४ का विरुद्ध ७ गोलले पराजित गर्दै प्रतियोगितामा तेस्रो स्थान प्राप्त गरेका थिए । तेस्रो स्थान प्राप्त गर्ने दमक नगर ईसाई समाजले नगद पुरुस्कार वापत नगद ८ हजारसहित मेडल, प्रमाणपत्र, शिल्ड प्राप्त गरेका थिए ।
Discussion about this post