दमक, १७ साउन : झापाको दमकमा दमक नगर इसाई समाजद्धारा आज (बुधबार) ४४औं खुल्लाव्यापी रक्तदान कार्यक्रम सम्पन्न भएको छ ।
दमक नगर इसाई समाजले २८औं स्थापना दिवस तथा दोस्रो बार्षिक साधारणसभाको अवसर पारेर आयोजना गरिएको ४४औं खुल्लाव्यापी रक्तदान कार्यक्रममा १ सय ३ प्रिन्ट रगत संकलन भएको हो । रक्तदान कार्यक्रममा ३३ महिलाले सहभागिता जनाएका थिए ।
दमकस्थित वर पिपल चौकमा आयोजना गरिएको रक्तदान कार्यक्रमको उद्घाटन दमक नगर प्रमुख राम थापाले गर्नुभएको थियो । दमक नगर इसाई समाजका अध्यक्ष पाष्टर आकाश थुलुङ राईको अध्यक्षतामा रक्तदान कार्यक्रम भएको थियो ।
रक्तदान कार्यक्रममा इसाई समाजका अगुवा मुक्ति किराती थुलुङ, दमक नगर इसाई समाजका सल्लाहकार पाष्टर राजकुमार नाछिरिङ राई, जीवन चक्र समाज नेपालका अध्यक्ष तथा सामाजिक अभियान्ता गणेश प्रसाद गौतम, होटल व्यवसायी संघका केन्द्रिय सदस्य भुपेन्द्र न्यौपाने, पाष्टर कुमार तामाङ, इलाका प्रहरी कार्यालय दमकका प्रहरी निरीक्षक जीवन गौतम, नेपाल रेडक्रस सोसाइटी दमक उपशाखा रक्तसंचार विभाग प्रमुख सिद्धार्थ दाहाल, समाजका उपाध्यक्ष पाष्टर हेमन्त सु्ब्बा, सचिव पाष्टर अजय पाठक, सहसचिव सुरज लिम्बू, कोषाध्यक्ष दिपेन्द्र नेम्बाङ, पत्रकार गोविन ल्वागुन, जयकुमार राई लगायतको उपस्थिति रहेको थियो ।
दमकस्थित नेपाल रेडक्रस सोसाइटी दमक उपशाखाको रक्तसंचार विभागले रक्तदानमा प्राविधिक सहयोग पुर्याएका थिए । रक्तदान कार्यक्रममा सहभागि रक्तदाताहरुलाई संस्थाको तर्फबाट मायाको चिनो फूलको विरुवा वितरण गरिएको थियो ।
Discussion about this post