तेह्रथुम, १२ जेठ । नेपाल प्रेस युनियन जिल्ला समिति तेह्रथुमको ७ औँ जिल्ला अधिवेशनबाट अध्यक्षमा प्रकाश पाक्साँवा सर्वसम्मत चयन भएका छन् । शुक्रबार सम्पन्न अधिवेशनले १५ सदस्यीय नयाँ समिति चयन गरेको हो ।
म्याङ्लुङमा भएको अधिवेशनले उपाध्यक्षमा मनकुमार फोम्वो र सिता लिम्वु, सचिवमा जानुका नेपाल, सहसचिवमा भिमा लिम्बु, कोषाध्यक्षमा रमेश बस्नेत चयन भएका छन् ।
यस्तै सदस्यहरुमा अस्मिता सुवेदी, जुना फोम्वो, रेवत पारघरी, शारदा बास्कोटा, रिजु कार्की, सुमन आचार्य, रेजिना खड्का, संजिव प्रसाई, तुलसी सिटौला चयन भएका छन् ।
अधिवेशनमा नेपाली कांग्रेस जिल्ला समितिका सभापति अर्जुन तुम्वाहाङफेको प्रमुख आतिथ्यतामा रहेको थियो भने नेपाल प्रेस युनियनका कोशी प्रदेस उपाध्यक्ष ज्ञानेन्द्र निरौला, नेपाल प्रेस युनियनका केन्द्रीय सदस्य तथा अधिवेशन प्रतिनिधि भिम कुमार बास्कोटा, नेपाल प्रेस युनियन धनकुटाका अध्यक्ष हिमा चेमजोङ, प्रेस चौतारी नेपाल तेह्रथुमका अध्यक्ष उमेश नेपाली लगायतको उपस्थिति रहेको थियो।
उक्त अधिवेशन निवर्तमान अध्यक्ष टीआर सेनेहाङको अध्यक्षतामा सम्पन्न भएको हो ।
Discussion about this post