कमल । झापाको कमल गाउँपालिकामा कमल गाउँपालिका स्तरीय बहुभाषिक गायन प्रतियोगिता २०८० सम्पन्न भएको छ ।
कमल गाउँपालिकाको आयोजना, आदिवासी जनजाति महासङ्घ कमल गाउँ समितिको संयोजन तथा बहुभाषिक साहित्य सङ्गीत कला केन्द्र भद्रपुरको प्राविधिक सहयोगमा जेठ ८ गते सोमबारका दिन कमल गाउँपालिकाको सभाहलमा कमल गाउँपालिका स्तरीय बहुभाषिक गायन प्रतियोगिता २०८० सम्पन्न भएको हो ।
प्रतियोगितामा कमल सांस्कृतिक मञ्चका अध्यक्ष कैलाश थापा मगर र बहुभाषिक साहित्य सङ्गीत कला केन्द्रका सचिव कुमार सुवेदीले निर्णायक समितिमा रही जिम्मेवारी बहन गर्नुभएको थियो ।
उक्त प्रतियोगितात्मक कार्यक्रममा प्रमुख प्रशासकीय अधिकृत राजकुमार शाक्य, आदिवासी जनजाति महासङ्घ कमल गाउँ समितिका अध्यक्ष बदी राई र समाजसेवी वीरेन्द्र याक्थुम्बाले शुभकामना मन्तव्य प्रकट गर्नुभएको थियो ।
उक्त गायन प्रतियोगितामा तीन जना क्रमशः खिना रानामगर, मनिका निरौला र लोकबहादर कार्की पुरस्कृत भएका छन् ।
बहुभाषिक गायन प्रतियोगिताका उत्कृष्ट तीन जना सहभागीहरूलाई जिल्ला स्तरीय प्रतियोगितामा भाग लिनको लागि छनोट गरी जनही रु २००० का दरले नगद पुरस्कार प्रदान गरिएको थियो भने सहभागी सबैलाई सहभागिताको प्रमाणपत्र प्रदान गरिएको थियो ।
कमल गाउँपालिकाकी उपाध्यक्ष प्रमिला न्यौपाने तिवारीको अध्यक्षता, बहुभाषिक साहित्य सङ्गीत कला केन्द्र भद्रपुरका अध्यक्ष हरिप्रसाद पौडेलको प्रमुख आतिथ्य तथा कमल गाउँपालिकाका प्रमुख प्रशासकीय अधिकृत राजकुमार शाक्यको विशेष आतिथ्यमा सञ्चालित उक्त प्रतियोगितात्मक कार्यक्रमको सञ्चालन कमल गाउँपालिका युवा, खेलकुद तथा शिक्षा शाखा प्रमुख सूर्यप्रसाद न्यौपानेले गर्नुभएको थियो ।
(फोटो फिचर) :-
Discussion about this post